Ինչու են Դավիթաշենի նախկին թաղապետին ՔՊ վարչություն «կանչել». մանրամասներ

Armlur.am-ի լավատեղյակ աղբյուրները փոխանցում են, որ երեկ ՔՊ վարչության նիստին են կանչել Երևանի Դավիթաշեն վարչական շրջանի նախկին ղեկավար Ռոման Համբարձումյանին:

ArmLur.am-ի աղբյուրները փոխանցում են, որ հայրենի իշխանությունները 2026 թվականի խորհրդարանական ընտրությունների ՔՊ նախընտրական ցուցակը հաստատելուց հետո անեցել են տարբեր վարչական շրջաններում ՔՊ խորհուրդների ձևավորմանը:

Armlur.am-ի լավատեղյակ աղբյուրները փոխանցում են, որ մի քանի օր առաջ Ռոման Համբարձումյանը ընտրվել է Դավիթաշեն վարչական շրջանի ՔՊ խորհրդի նախագահը: ArmLur.am-ի տեղեկություններով՝ երեկ վարչություն են կանչել Համբարձումյանին, որպեսզի հասկանան, թե ինչ տրամադրություններ են Դավիթաշեն վարչական շրջանում ՔՊ-ի հետ կապված:

Ռոման Համբարձումյանն էլ զեկուցել է, որ ամեն բան վերահսկողության տակ է:

Հիշեցնենք, որ դեռևս 2023 թվականի հուլիսին Դավիթաշենի վարչական շրջանի նախկին ղեկավար Ռոման Համբարձումյանի տեղակալ Կորյուն Մխիթարյանն հունվարին աղմկահարույց պատմության մեջ էր ընկել։ Նրա վրա կրակել էին եւ ոչ թե անձնական խնդիրների պատճառով, այլ քանի որ նա Ռոման Համբարձումյանի տեղակալն է եւ քաղաքացիների հետ հարաբերվել է փողոցային կանոններով: Նշենք, որ Համբարձումյանը Դավիթաշենում հայտնի է իր վատ բարքերով, քաղաքացիների հանդեպ վատ վերաբերմունքով:

Հավելենք,որ դեռևս 2023 թվականին «Ժողովուրդ»-ը գրել էր, որ 2022 թվականի մարտից թաղապետի պաշտոնը զբաղեցրած Ռոման Համբարձումյանը բանկում ավանդ ունի, որը տարեվերջի դրությամբ կազմել է 30 հազար դոլար։ Մինչ այդ պաշտոնում նշանակվելը Համբարձումյանն աշխատել է «Հայփոստ»-ում, «Վեոլիա ջուր» ընկերությունում, նաեւ եղել է Դավթաշեն վարչական շրջանի ավագանու անդամ։

Պաշտոնյան, հայտարարագրի համաձայն, դեռեւս 2017 թվականին 15 հազար դոլարանոց ձեռքի ժամացույց է նվեր ստացել։ Ումից, ինչի դիմաց՝ չի մանրամասնել: Եթե սա լիներ նախկինում, ապա Նիկոլ Փաշինյանը կասեր՝ կոռումպացված չինովնիկ, իսկ հիմա լռում է: