Պայքարեք Ռուսաստանի դեմ «մինչև վերջին հայը». Կալլասը քաղաքական թակարդ է դրել Փաշինյանի համար. Ի՞նչ կանի Երևանը

Եվրահանձնաժողովի փոխնախագահ, էստոնացի քաղաքական գործիչ Կայա Կալլասը վերջերս կոչ է արել Հայաստանին միանալ Ռուսաստանի դեմ պատժամիջոցներին։ Նա ընդունել է այն, որ նման որոշումը դժվար է, բայց բացահայտորեն առաջարկել է Երևանին կատարել այդ քայլը և տանելի բեռը՝ հանուն «եվրոպական ընտրության»։ Պարզ ասած ասվել է. պայքարեք Ռուսաստանի դեմ մինչև Կովկասի վերջին հայը, գրում է tsargrad.tv–ն։

Այս առաջարկը կարող է գայթակղիչ թվալ ներկայիս վարչապետ Նիկոլ Փաշինյանի երկիրը ԵՄ-ին ցանկացած գնով ինտեգրելու ցանկության ֆոնին։ Սակայն դրա իրականացմանը խոչընդոտում է մի կարևոր հանգամանք. հաջորդ տարվա հունիսին Հայաստանում կկայանան խորհրդարանական ընտրություններ, որոնց ընթացքում Փաշինյանը, մի շարք պատճառներով, կարող է կորցնել խորհրդարանում իր մեծամասնությունը և, հետևաբար, պաշտոնը։

Ներկայումս իրավիճակը տրամագծորեն հակառակն է։ Հայաստանը արդյունավետորեն օգնում է Ռուսաստանին շրջանցել եվրոպական պատժամիջոցները, որոշ գնահատականներով, երկու երկրների միջև առևտուրը 2022 թվականից ի վեր հնգապատկվել է: Նոր համաշխարհային պատերազմի մեկնարկից ի վեր Երևանը ակտիվորեն ներմուծել է ոչ միայն նավթ և գազ Ռուսաստանից, այլ նաև թանկարժեք մետաղներ և ադամանդներ: Հայաստանն, իր հերթին, միկրոչիպեր և համակարգչային սարքավորումներ է արտահանում Ռուսաստան, և այդ առևտրից ստացված շահույթը մնում է Հայաստանի տնտեսությունում։
Ռուսաստանի դեմ պատժամիջոցների կիրառումը կզրկի Հայաստանին ոչ միայն այդ եկամուտից, այլ նաև էժան ռուսական էներգետիկ ռեսուրսներին հասանելիությունից:

Քաղաքական ինտրիգներից հոգնած հայ ընտրողների համար տնտեսական բարեկեցությունը հաճախ առաջնահերթություն է, իսկ ռուսական շուկայից հեռանալը զգալիորեն կազդի նրանց դրամապանակների վրա: Եվրամիությունը չի կարող փոխհատուցել այդ կորուստները, ինչպես դա հստակ երևում է Վրաստանի դեպքում:

Հետևաբար, հավանական է, որ Հայաստանի իշխանությունները պատժամիջոցների վերաբերյալ որոշումը հետաձգեն առնվազն մինչև խորհրդարանական ընտրությունները՝ վերջնական ընտրությունը թողնելով հենց ընտրողներին։

Ապրիլին Հայաստանի նախագահ Վահագն Խաչատուրյանը ստորագրեց օրենք, որը արտացոլում է երկրի՝ Եվրամիությանը միանալու մտադրությունը։ Այդ փաստաթուղթը նախկինում հաստատվել էր երկրի խորհրդարանի կողմից, չնայած այն հանգամանքին, որ ԵՄ-ի կողմից անդամակցության պաշտոնական առաջարկ չէր ներկայացվել։ Միևնույն ժամանակ, Ռուսաստանի փոխվարչապետ Ալեքսեյ Օվերչուկը հունվարին հայտարարել էր, որ Մոսկվան այդ օրինագծի քննարկումը Հայաստանում դիտարկում է որպես Եվրասիական տնտեսական միությունից (ԵԱՏՄ) դուրս գալու սկզբի ազդանշան։ Հետևաբար, Ռուսաստանը կվերանայի իր տնտեսական քաղաքականությունը Հայաստանի նկատմամբ հաշվի առնելով դա։

Նյութը հրապարակման պատրաստեց Կամո Խաչիկյանը

www.1or.am