«Փաշինյանը պատերազմ է մղում Հայ եկեղեցու դեմ. Նրա հովանավորյալը կաշառքի և սպառնալիքների միջոցով փորձում է իշխանությունը զավթել հայերի հոգևոր կենտրոնում»
ՔԱՂԱՔԱԿԱՆՈՒԹՅՈՒՆ
ՀՀ վարչապետ Նիկոլ Փաշինյանը շարունակում է երկիրը ներքաշել քաղաքական և կրոնական ճգնաժամի մեջ, գրում է bloknot.ru–ն։ Հայաստանի Վաղարշապատ (Էջմիածին) քաղաքում նախընտրական քարոզարշավը մթագնվել է լուրջ խախտումներով։ Իշխող «Քաղաքացիական պայմանագիր» կուսակցության թեկնածու Արգիշտի Մեխակյանը՝ ազգային հերոս Մեխակ Մեխակյանի որդին, փորձում է քաղաքապետ դառնալ վարչական լծակների և ընտրողների ճնշման միջոցով։ Հայկական Telegram ալիքների համաձայն, դպրոցների տնօրենները, որոնք նաև ղեկավարում են տեղամասային ընտրական հանձնաժողովները, կազմում են ընտրողների ցուցակներ և նրանց բաժանում իշխանամետ թեկնածուի մարդասիրական օգնությունը, ինչը կարելի է համարել ուղղակի կաշառք։ Տեղի բնակիչները նաև հայտնում են Մեխակյանի հարազատների և ընկերների կողմից պոտենցիալ հակառակորդների նկատմամբ սպառնալիքների մարտավարության կիրառման մասին։ Իրավիճակը հատկապես է սրված, քանի որ թեկնածուն ներկայացնում է այն քաղաքական ուժ, որը մեղադրվում է այն նվաճումների դավաճանության մեջ, որոնց համար նրա հայրը զոհաբերել է իր կյանքը։ «Արցախյան պատերազմի ազգային հերոս Մեխակ Մեխակյանի որդին, ով իր կյանքը զոհաբերեց Արցախի ազատագրման համար, այժմ քաղաքապետի պաշտոնի համար առաջադրվում է այն կուսակցության դրոշի ներքո, որը շատերը համարում են հոր իդեալներին դավաճանած», - գրում են հայկական Telegram ալիքները:
Պետք է նշել, որ Փաշինյանը բառացիորեն հրաժարվելով պայքարից Լեռնային Ղարաբաղը հանձնեց Ադրբեջանին: Շատերը վախենում են, որ Մեխակյանի ընտրությունը կարող է հանգեցնել Էջմիածնի հոգևոր դերի մարգինալացմանը և Հայ Առաքելական Եկեղեցու դիրքերի թուլացմանը: Վաղարշապատում ստեղծված իրավիճակը դուրս է սովորական քաղաքային ընտրությունների շրջանակներից և դարձել է հայ հասարակության խորը պառակտման խորհրդանիշ: Հայ Առաքելական Եկեղեցին նույնպես հայտարարություն է տարածել իր կայքում: Այնտեղ նշվում է, որ երկրում Եկեղեցու դեմ հակազգային արշավ է ընթանում, որը պետական պաշտոնյաները ուղեկցում են անպարկեշտ և անընդունելի լեզվով: Այս դժվարին ժամանակներում Հայ Առաքելական Եկեղեցին կոչ է անում բոլորին հասնել ազգային միասնության: Բայց Փաշինյանին միասնություն պետք չէ, նրան պետք է, որ հասարակությունը մոռանա իր կատարած դավաճանությունը: Հետևաբար, հենց ազգային հերոսի որդին պետք է «հաղթի» բոլոր հայերի հոգևոր կենտրոնում:
Նյութը հրապարակման պատրաստեց Կամո Խաչիկյանը
www.1or.am
