Binance-ը կտրուկ տատանումների ֆոնին կհատկացնի $400 մլն՝ օգտատերերին աջակցելու համար

Կրիպտարժույթների շուկան անցնում է հերթական տուրբուլենտ շրջանը։ Վերջին շաբաթների ընթացքում խոշոր ակտիվների փոխարժեքները նվազել են տասնյակ տոկոսներով, առևտրի ծավալները կրճատվել են, իսկ բազմաթիվ թրեյդերներ բախվել են պարտադիր լիկվիդացիաների։ Անորոշության ֆոնին աճել է բորսաների վրա բեռը, իսկ օգտատերերի վստահությունը ոլորտի նկատմամբ կրկին հայտնվել է ճնշման տակ։

Գործարքների ծավալով ամենամեծ կրիպտոարժութային բորսան՝ Binance-ը, արձագանքել է իրավիճակին՝ գործարկելով Together Initiative անունը կրող ծրագիրը։ Աջակցության ընդհանուր ծավալը կազմում է $400 մլն, որից $300 մլն-ը կուղղվի այն օգտատերերին փոխհատուցելու համար, ովքեր կրել են կորուստներ հոկտեմբերի 10–11-ին ֆյուչերսային և մարժինային պոզիցիաների լիկվիդացիայի հետևանքով։ Աջակցությունը տրամադրվում է USDC ստեյբլքոյնով, իսկ վճարումները նախատեսվում է սկսել հայտարարությունից հետո մեկ օրվա ընթացքում։

Մնացած $100 մլն-ը ընկերությունը կուղղի ինստիտուցիոնալ հաճախորդների՝ ներառյալ մարկետմեյքերների և պրոֆեսիոնալ թրեյդերների, արտոնյալ վարկավորման ֆոնդին։ Նպատակը՝ ապահովել շուկայի լիկվիդայնությունը և նվազեցնել ճնշումը։

Binance-ը շեշտել է, որ իրավական պատասխանատվություն չի կրում օգտատերերի կորուստների համար, սակայն ծրագիրը դիտարկում է որպես վստահության վերականգնման գործիք։ Անցյալում բորսան արդեն ձեռնարկել է նմանատիպ քայլեր՝ փոխհատուցելով տեխնիկական խափանումների կամ պատվերների կատարման սխալների հետևանքով առաջացած կորուստները։ Կենտրոնացված կարգավորման մեխանիզմների բացակայության պայմաններում նման նախաձեռնությունները խոշոր հարթակների կողմից փաստացի դառնում են ինքնակարգավորման հակաճգնաժամային գործիքներ։

Կրիպտոարժութային շուկան շարունակում է մնալ մակրոտնտեսական գործոնների և կարգավորող մարմինների ուժեղացող վերահսկողության ազդեցության տակ, սակայն ինֆրակառուցվածքային խաղացողները շարունակում են կատարել իրենց պարտավորությունները և ցուցադրել պատրաստակամություն գործելու անկայունության պայմաններում։ Սա չի լուծում ոլորտի բոլոր խնդիրները, բայց ստեղծում է նախադրյալներ վստահության՝ ցանկացած դեցենտրալիզացված ֆինանսական համակարգի հիմնական ռեսուրսի, աստիճանական վերականգնման համար։

Նշում. Այստեղ նշված որոշ արտադրանքներ և ծառայություններ կարող են հասանելի չլինել ձեր տարածաշրջանում․ մանրամասների համար դիմեք աջակցման ծառայությանը։