Ծանոթ ու միաժամանակ անհայտ … Ալտմյուլլեր գարեջուր
ՖՈՏՈ
Գերմանական գարեջուրն ինքնին այնպիսի ապրանքանիշ է, որը վաղուց է արժանացել ամբողջ աշխարհում հարգանքի, բայց այդ ըմպելիքի բազմաթիվ ապրանքանիշերի մեջ կան այնպիսիք, որոնք հատկապես սիրված են ինչպես հայրենիքում, այնպես էլ արտերկրում։ Altmüller գարեջուրը արտադրվում է շատ հին գերմանական Bischofshof գարեջրատան կողմից, որը հիմնադրվել է 1649 թվականին արքեպիսկոպոս Վիլհելմ Գրաֆ ֆոն Վարտենբերգի կողմից։ Նա հրամայել է այն կառուցել Ռեգենսբուրգի տաճարի կողքին։
Երեսնամյա պատերազմը մոտենում էր ավարտին, սպասվում էին ավելի հանգիստ ժամանակներ, և գարեջուրը պետք է լավ վաճառվեր։ Այնուամենայնիվ, գիտնականները ենթադրում են, որ այնտեղի գարեջրագործության պատմությունը սկսվել է շատ ավելի վաղ՝ մոտ 13-րդ դարում։
1908-1910 թվականների միջև ընկած ժամանակահատվածում ձեռնարկությունը ստիպված էր տեղափոխվել քաղաքի արևմտյան մաս՝ Մարգարետենաու շրջան, քանի որ տաճարին անմիջական մոտ լինելու և հարակից պատմական շենքերի առկայության պատճառով անհնար էր այն ընդլայնել և արդիականացնել։
Իսկ 1992 թվականին գարեջրատան բոլոր սարքավորումներն են փոխարինվել։ Ժամանակակից տեխնոլոգիաների շնորհիվ արտադրությունը դարձել է ավելի էկոլոգիապես մաքուր։ Օգտագործվող քաղցրահամ ջրի քանակը և կեղտաջրերի ծավալը հասցվել են նվազագույնի։
Altmüller գարեջրի դեպքում մենք ունենք մեկ ապրանք՝ երկու անվանում։ Պիտակի վրա Altmüller («Հին ջրաղաց») մակագրությամբ գերմանական ըմպելիքը վաճառվում է ԱՊՀ տարածքում, մինչդեռ Գերմանիայում այն կոչվում է նույն կերպ, ինչ գարեջրատունը՝ Bischofshof։ Ըստ լեգենդի՝ Ռեգենսբուրգի առաջին գարեջրագործը Ալտմյուլ գետի վրա գտնվող բնակավայրից վտարված մի վանական է եղել։
Այս գարեջրի բոլոր տեսակները հասանելի չեն ԱՊՀ տարածքում։ Հիմնականում կարելի է տեսնել Altmüller Hell (թեթև, ֆիլտրացված) և Altmüller Hefe-Weißbier (չֆիլտրացված, մրգային-կծու համով)։ Առաջինը պատրաստվում է գարուց, երկրորդը՝ ցորենից և գարու ածիկից։ Երկու ըմպելիքներն էլ երեք տարի անընդմեջ զբաղեցրել են առաջին տեղը Գերմանական գյուղատնտեսական ընկերության հեղինակավոր մրցույթում։ Վերջին անգամ դրանք ոսկե մեդալներ են ստացել 2013 թվականին։
Այս նույն տեսակներն են նաև Bischofshof գարեջրատան նախընտրելի արտադրանքների ցանկում։ Altmüller Hell-ը արտադրվում է ընկերության ամենահին բաղադրատոմսով, որում տարիներ շարունակ ոչինչ չի փոխվել։ Ներկայումս էլ ընկերությունը անընդհատ ներդրումներ է կատարում նոր տեխնոլոգիաների մեջ՝ իր գարեջրի որակը բարելավելու համար։
Կ. Խաչիկյան
