Ինչպես չափել արյան ճնշումն անոթազարկի(պուլս) միջոցով
ՖՈՏՈ
Med.Tert.am/Պատահում են դեպքեր, երբ մարդու ինքնազգացողությունը վատանում է, իսկ արյան ճնշման չափիչ սարք ձեռքի տակ չի լինում: Նման դեպքերում զարկերակային ճնշումը կարելի է չափել անոթազարկի միջոցով: Արևելքում մարդու անոթազարկն ու սրտի զարկերը բուժզննման պարտադիր մասն են կազմում, քանի որ այն կարող է շատ բան ասել մարդու առողջական վիճակի և մասնավորապես՝ արյան ճնշման մասին: Ընդ որում հարկ է հիշել, որ սրտի զարկերը կախված են մի շարք գործոններից (տարվա եղանակից, տարիքից, կազմվածքից, հոգեվիճակից և այլն): Գոյություն ունի անոթազարկի երեք տեսակ ՝ մոտ (կետ քներակի վրա), միջին (կետ դաստակի՝ ճաճանչային զարկերակի վրա) և հեռու (2 կետ ոտնաթաթի վրա):
Ասպիսով՝ արյան ճնշումն անոթազարկի միջոցով չափելու համար հարկավոր է կատարել չորս քայլ.
· Ընդունել հանգիստ հարմար դիրք, իսկ ժամացույցը հանել և դնել կողքին:
· Հանգստանալ և մոտ 2 րոպե մտածել, որևէ հաճելի բանի մասին:
· Զգուշորեն ձեռքը դնել ճաճանչային զարկերակի վրա և հետևել ժամանակին:
· Շոշափել անոթազարկը և հաշվել 30 վայրկյանում զարկերի քանակը: Ստացված թիվը հարկավոր է կրկնապատկել՝ ստանալու համար մեկ րոպեում սրտի զարկերի քանակը:
Ինչպես չափել արյան ճնշումն անոթազարկի միջոցով
Եթե սրտի զարկերը մեկ րոպեում 60-ից պակաս են, ապա արյան ճնշումը նորմայից ցածր է: Րոպեում 60-80 զարկը վկայում է այն մասին, որ ճնշումը նորմայի սահմաններում է, ուստի ինքնազգոցողության վատացման պատճառն այլ է: Իսկ եթե մեկ րոպեում սիրտը բաբախում է 90 և ավել անգամ, ապա զարկերակային ճնշումը նորմայից բարձր:
Սակայն հարկ է հիշել, որ անոթազարկի օգնությամբ հնարավոր չէ հստակ չափել արյան ճնշումը: Հստակ պատասխան կարելի է ստանալ միայն հատուկ բժշկական սարքի միջոցով:
