Ղարաբաղյան երկրորդ պատերազմի ժամանակ Հայաստանում հայտարարվել է ռազմական դրություն և պահեստազորայինների զորակոչ. պատմության այս օրը (28 սեպտեմբեր)

ՈՐՈՇ ՏՈՆԵՐ-Ճմարտությունը իմանալու համաշխարհային օր, Կատաղություն հիվանդության դեմ պայքարի համաշխարհային օր, Չեխիա՝ Չեխական պետականության օր, Ռուսաստան և Ղազախստան՝ Ատոմային արդյունաբերության աշխատողի օր, Թայվան՝ Ուսուցչի օր:

ՀԱՅԱՍՏԱՆՈՒՄ

616 – ծնվել է աղվանների թագավոր Ջիվանշիրը:

1874– Վաղարշապատում բացվել է Գևորգյան Հոգևոր Ճեմարանը:

1928– ծնվել է ռուս պետական և կուսակցական գործիչ, հայ ժողովրդի մեծ բարեկամ, Հայաստանիազգային հերոս Նիկոլայ Ռիժկովը:

1947 – վախճանվել է գրականագետ, արվեստաբան, մատենագետ, պրոֆեսոր Գարեգին Լևոնյանը՝ գուսան Ջիվանու որդին:

2006- Երևան է ժամանել ֆրանսահայ աշխարհահռչակ շանսոնյե Շարլ Ազնավուրը ճանաչված երգահան Միշել Լեգրանի ընկերակցությամբ: 

2008-Ազգային ժողովի նախագահ է ընտրվել Հովիկ Աբրահամյանը:

2012- ձերբակալվել է Հայաստանի Սոցապ ծառայության պետ Վազգեն Խաչիկյանը: Նրան մեղադրանք է առաջադրվել Քրեական օրենսգրքի մի քանի հոդվածներով։

2017-Սոցապ ծառայության նախկին պետ Վազգեն Խաչիկյանը «պատժի լրիվ կրումով» ազատ է արձակվելբանտից:

2020-Ղարաբաղյան երկրորդ պատերազմի ժամանակ Հայաստանում հայտարարվել է ռազմական դրություն և պահեստազորայինների զորակոչ: Ադրբեջանում հայտարարվել է ռազմական դրություն: Ղարաբաղյան ճակատի հյուսիսային հատվածում ադրբեջանական բանակին հաջողվել է Թալիշի մոտ գրավել մի քանի բարձրունքներ, հարավային հատվածում մասսիվ հարձակում է սկսվել Արաքս գետի հունի հատվածում:

2023- հրապարակվել է Արցախի Հանրապետության նախագահ Սամվել Շահրամանյանի հրամանագիրը, ըստ որի 2024 թվականի հունվարի 1-ին Արցախի Հանրապետությունը դադարում է գոյություն ունենալ:

ԱՇԽԱՐՀՈՒՄ

մ.թ.ա. 551– ծնվել է չինացի փիլիսոփա, աշխարհի մեծագույն փիլիսոփաներից մեկը հանդիսացող Կոնֆուցիոսը:

մ.թ.ա. 480 – Էգեյան ծովում տեղի է ունեցել Սալամինի ծովամարտը հույների և պարսիկների միջև:

մ.թ.ա. 48 –հռոմեցի Պոմպեոս զորավարը սպանվել է Եգիպտոսում:

935 —սպանվել է չեխ կոմս, և կաթոլիկների և ուղղափառների կողմից սուրբ ընդունվող Սուրբ Վացլավը:1066 —նորմանները հերցոգ Վիլհելմի ղեկավարությամբ ափհանվել են անգլիայում: 1618 —Բրյուսելում բացվել է աշխարհում առաջին գրավատունը՝ լոմբարդը:

1760 —Յոթամյա պատերազմի ընթացքում ռուսները և ավստրացիները գրավել են Բեռլինը:

1773- Ռուսաստանի Յաիցկի քաղաքից Յաիկ գետի հոսքով ներքև 85 կիլոմետր հեռավորությամբ գտնվող Բուդարինյան ֆորպոստից սկսվել է 1773-1775 թվականների Գյուղացիական ապստամբությունը Եմելյան Պուգաչովի ղեկավարությամբ:

1793 —Կանադայում հայտարարվել է, որ այդ օրվանից հետո ծնված ստրուկների երեխանները 25 տարեկան դառնալուց հետո կլինեն ազատ քաղաքացիներ:

1803 –ծնվել է ֆրանսիացի հնէապատմաբան, գրող Պրոսպեր Մերիմենը:

1841 – ծնվել է ֆրանսացի լրագրող, ֆիզիկոս Ժորժ Կլեմանսոնը:

1895– վախճանվել է ֆրանսիացի միկրոբիոլոգ և քիմիկոս, Ֆրանսիական ակադեմիայի անդամ Լուի Պաստյորը:

1914 – վախճանվել է սերբ կոմպոզիտոր, բանահավաք, դիրիժոր, մանկավարժ Ստևան Մոկրանյացը:

1924 –ծնվել է իտալաֆրանսիացի դերասան, ռեժիսյոր Մարչելլո Մաստրոյանին:

1934– ծնվել է ֆրանսիացի հանրահայտ դերասանուհի Բրիժիտ Բարդոն:

1939– ԽՍՀՄ-ի և Գերմանիայի միջև խաղաղության և սահմանների մասին պայմանագիր է կնքվել:

1944 —Երկրորդ համաշխարհային պատերազմի ժամանակ սկսվել է Բելգրադյան հարձակողական օպերացիան, որի արդյունքում ամբողջականորեն ջախջախվել է գերմանական բանակների «Սերբիա» միավորումը և ազատագրվել է Հարավսլավիան:

1950 – Ինդոնեզիան անդամակցել է ՄԱԿ-ին:

1953 – վախճանվել է ամերիկացի աստղագետ Էդվին Հաբլը:

1953 —Նիկիտա Խրուշչովը դարձել է ԽՄԿԿ առաջին քարտուղար:

1960 – Մալին և Սենեգալը անդամակցել են ՄԱԿ-ին:

1961 —Սիրիայում տեղի է ունեցել ռազմական հեղաշրջում, որի արդյունքում հայտարարվել է, որ Սիրիան դուրս է գալիս Միացյալ Արաբական Հանրապետության կազմից և հատարարում է իրեն առանձին Սիրիայի Արաբական Հանրապետություն:

1987 – ծնվել է ամերիկացի երգչուհի-երգահան և դերասանուհի Հիլարի Դաֆֆը:

1970 - Կահիրեում սրտի կաթվածից վախճանվել է Եգիպտոսի նախագահ Գամալ Աբդել Նասերը:

1994 – Բալթիկ ծովում խորտակվել է էստոնական «Էստոնիա» նավը, ինչի հետևանքով զոհվել է 852 մարդ:

2001 —բրազիլացի օդաչու 46-ամյա Ժերարդ Մոսը վայրէջք կատարելով Ռիո-դե Ժանեյրոյում ավարտել է աշխարհում առաջին շուրերկրյա թռիչքը մոտորային «Ximango» պլաներով: Թռիչքը տևել է 100 օր:2003– Իտալիայում տեղի է ունեցել խոշոր էներգովթար, ինչի արդյունքում հոսանքազրկվել են մոտ 57 միլիոն մարդ:

2010 —Ռուսաստանի նախագահ Դմիտրի Մեդվեդևը պաշտոնազրկել է Մոսկվայի քաղաքապետ Յուրի Լուժկովին:

2019-վախճանվել է ռուս խորհրդային հանրահայտ ռեժիսոր Մարկ Զախարովը:

Կ.Խաչիկյան