Bloomberg. Եվրոպայի և Չինաստանի միջև առևտուրը կարագանա Հարավային Կովկասի միջանցքի միջոցով
ՔԱՂԱՔԱԿԱՆՈՒԹՅՈՒՆ
Թուրքիան ակնկալում է, որ Չինաստանի և Եվրոպայի միջև առևտուրը կաճի Հարավային Կովկասի միջանցքի միջոցով՝ ԱՄՆ-ի միջնորդությամբ Հայաստանի և Ադրբեջանի միջև կնքված խաղաղության համաձայնագրից հետո: Հիմնական տարրը TRIPP երթուղին է (Trump Route for International Peace and Prosperity), որը կապում է Ադրբեջանը Հայաստանի միջոցով Նախիջևանի էքսկլավի հետ՝ Թուրքիայի հետ սահմանին: Այս մասին գրել է Bloomberg-ը, գրում է finance.mail.ru–ն:
Թուրքիայի տրանսպորտի նախարար Աբդուլքադիր Ուրալօղլուն ասել է, որ «երթուղին ավելի արդյունավետ կդարձնի Պեկինից մինչև Լոնդոն արևելք-արևմուտք գիծը»: ԱՄՆ-ը ստացել է այդ միջանցքի, որը հայտնի է նաև որպես Զանգեզուրի միջանցք, զարգացնելու բացառիկ իրավունքներ:
Գործարքը ամրագրված է օգոստոսի 8-ին Վաշինգտոնում ՀՀ վարչապետի և Ադրբեջանի նախագահի կողմից ստորագրված խաղաղության հռչակագրում, որը միջնորդվել է ԱՄՆ նախագահ Դոնալդ Թրամփի կողմից: Թուրք պաշտոնյաները Bloomberg-ին ասել են, որ միջանցքի ԱՄՆ-ի կողմից կարգավորումը որոշիչ գործոն կլինի խոշոր արտահանողների, այդ թվում Չինաստանից, երթուղուց օգտվելու համար:
ԱՄՆ-ն համաձայնագիրը որակել է որպես դիվանագիտական հաղթանակ նշելով, որ միջանցքի վերահսկողությունը կարող է նվազեցնել Մոսկվայի ազդեցությունը և Հայաստանին ու Ադրբեջանին ավելի մոտեցնել Արևմուտքին։ Առևտրի զարգացումը TRIPP-ի շրջանակներում, կանխատեսվում է, որ աստիճանաբար կնվազեցնի Ռուսաստանի և Իրանի քաղաքական ազդեցությունը Կովկասում։
Միևնույն ժամանակ, Թուրքիայում մեկնարկում են ենթակառուցվածքային նախագծեր՝ միջանցքը աջակցելու համար, կսկսվի 224 կիլոմետրանոց երկաթուղու շինարարությունը, որը կկապի Նախիջևանը Կարսի հետ։ Նախագիծը ֆինանսավորվում է 2.4 միլիարդ եվրոյի արտաքին վարկերով։ Ուրալօղլուի խոսքով մինչև 2029 թվականը երկաթուղին կկարողանա տարեկան տեղափոխել մինչև 15 միլիոն ուղևոր և 2 միլիոն տոննա բեռ։
Նյութը հրապարակման պատրաստեց Կամո Խաչիկյանը
