Իրանում մшհապատժի են դատապարտվել չորս անձ՝ իսրայելական Մոսադի հետ համագործակցության մեղադրանքով
ՄԻՋԱԶԳԱՅԻՆ
Իրանի հյուսիս-արևմտյան շրջանում գործող Հեղափոխական դատարանը մահապատժի է դատապարտել չորս անձի՝ Իսրայելի Մոսադ լրտեսական ծառայության հետ համագործակցելու և Թել Ավիվի ռեժիմին գաղտնի տեղեկություններ փոխանցելու մեղադրանքով։
Արևմտյան Ատրպատականի նահանգի գլխավոր դատախազ Նասեր Աթաբատին հայտնել է, որ մեղադրյալները նկարահանել և տեսանկարահանել են Իսլամական Հանրապետության կարևոր գաղտնի օբյեկտների կենտրոնները՝ այդ տվյալները փոխանցելով Իսրայելի հետախուզությանը։
Նրանց մեղադրանք է առաջադրվել նաև՝ հատուկ SIM քարտեր և հեռախոսներ ձեռք բերելու, Մոսադի գործակալների հետ գաղտնի կապ հաստատելու, ինչպես նաև Թեհրանում, Ուրմիայում, Շահրուդում և Իսֆահանում պայթյուններ և հրկիզումներ իրականացնելու համար։
Ըստ մեղադրանքի, այս անձինք մասնակցել են Իրանի ռազմական օբյեկտների, ամրոցների և կարևոր հաստատությունների նույնականացման գործընթացներին՝ ի շահ Իսրայելի բանակի, և որպես փոխհատուցում ստացել են կրիպտոարժույթով վճարումներ։
Դատարանի կողմից ներկայացված փաստաթղթերը վկայում են, որ կա ուղիղ կապ Մոսադի և այդ անձանց միջև։ Նրանք դատապարտվել են մահապատժի՝ ըստ «Սիոնիստական ռեժիմի թշնամական գործողությունների դեմ պայքարի մասին» օրենքի 6-րդ հոդվածի։
Աթաբատին ընդգծել է, որ Իրանի դատական իշխանությունները վճռական և կանխարգելիչ քայլեր են ձեռնարկելու այն անձանց դեմ, ովքեր վտանգում են երկրի հանրային և ազգային անվտանգությունը՝ գործելով թշնամիների շահերի օգտին։
Նա հավելել է, որ Իրանի դատական համակարգը շարունակելու է անզիջում կերպով պաշտպանել 1979 թվականի Իսլամական հեղափոխության արժեքներն ու ազգային շահերը։
Անի Վարդանյան
