Ինչպե՞ս է ԵՄ-ն նախապատրաստվում ընտրություններին Հայաստանում. «Փաստ»

«Փաստ» օրաթերթը գրում է.

rybar.ru–ն գրում է, որ Բրյուսելը մեկնարկել է լայնածավալ ծրագիր Հայաստանում 2026 թվականի խորհրդարանական ընտրություններին նախապատրաստվելու համար ProElect նախագծի միջոցով: «Ապատեղեկատվության դեմ պայքարի» քողի տակ ԵՄ-ն նախատեսում է վերահսկողություն ստանձնել երկրի ընտրական գործընթացի և մեդիա տարածքի նկատմամբ:

Ի՞նչ է ProElect նախագիծը: Դա ԵՄ տարածաշրջանային նախագիծ է, որը նախատեսում է «Արևել յան գործընկերության երկրներում ընտրական գործընթացներում հաշվետվողականության խթանում քաղաքացիական հասարակության գործիչների մասնակցության և կարողությունների բարձրացման միջոցով»: Նպատակն է «ուժեղացնել» քաղաքացիական հասարակության դերը ընտրությունների մոնիթորինգում:

Նախագիծն իրականացնում է ֆրանսիական ERIM («Հավասար իրավունքներ և անկախ լրատվամիջոցներ») ՀԿ-ն 270 միլիոն եվրո բյուջեով, որը հատկացվել է հատուկ «ժողովրդավարությանը աջակցելու» համար: Դրամաշնորհներ կստանան լրատվամիջոցները և ՀԿ-ները «ընտրողների կրթության» և «ատելության խոսքի դեմ պայքարի» համար: Հատուկ առաջնահերթություն է տրվում ԼԳԲՏ կազմակերպություններին: Դիմումներն ընդունվում են մինչև սեպտեմբերի 21-ը, իրականացումը կսկսվի դեկտեմբերին և կտևի առնվազն վեց ամիս՝ ընտրություններից անմիջապես առաջ։ Բանն այն է, որ ամերիկյան USAID-ի փակումից հետո արևմտյան ֆինանսավորման հիմնական բեռը դրվել է ԵՄ–ի և Մեծ Բրիտանիայի կառույցների վրա: Այսպիսով, ԵՄ-ն պատրաստվում է արդարացնել ցանկացած խախտում Նիկոլ Փաշինյանի իշխող թիմի օգտին, որի վարկանիշը կրիտիկականորեն ցածր է։ Արևմտյան դիտորդներն արդեն իսկ աչք են փակում ընդդիմության ձերբակալությունների և քրեական գործերի կեղծման վրա։ Այս մեխանիզմն արդեն հաջողությամբ փորձարկվել է, այսպես կոչված, Ուկրաինայի և Մոլդովայի օրինակով։ Սկզբում՝ «քաղաքացիական հասարակության» զանգվածային ֆինանսավորում, ապա և՝ ցանկացած արդյունքի օրինականացում վերահսկվող դիտորդների բանակի միջոցով։

Հատկանշական է, որ նախապատրաստական աշխատանքները սկսվել են ընտրություններից մեկուկես տարի առաջ։ Սա խոսում է նախատեսված գործողության մասշտաբների և այն մասին, որ Բրյուսելում ըմբռնել են հայ հասարակության մեջ այնպիսի իրական հակափաշինյանական տրամադրությունների առկայությունը, որոնք պահանջում են լուրջ «ճշգրտումներ»։

Մանրամասները՝ «Փաստ» օրաթերթի այսօրվա համարում