Յակով Կեդմի. Ի՞նչ կաներ ԱՄՆ-ը Մեքսիկայի հետ, եթե նա աներ այն, ինչ անում է Ադրբեջանը
ՔԱՂԱՔԱԿԱՆՈՒԹՅՈՒՆ
Ադրբեջանը Ռուսաստանին սադրելով կրակի հետ է խաղում այն համոզմունքով, որ Մոսկվան չափազանց զբաղված է Ուկրաինայում և չի կարողանա պատասխանել Բաքվին։ Այս մասին «Alpha News»-ին տված հարցազրույցում հայտարարել է Իսրայելի «Nativ» հատուկ ծառայության նախկին ղեկավար Յակով Կեդմին, գրում է politnavigator.news-ը։
«Եթե սա հանգեցնի Ռուսաստանի դեմ կոնկրետ գործողությունների, կոնկրետ ռազմական գործողությունների, սա կլինի այն գիծը, որը Ռուսաստանը չի կարողանա հանդուրժել։ Նրանք կարծում են, որ Ռուսաստանը չի համարձակվի, որ Ռուսաստանը ուժ չունի։ Ի՞նչ կարող է անել Ռուսաստանը։ Հարցն այն է, թե արդյո՞ք նա կհամարձակվի դա անել։ Ռուսաստանը Ադրբեջանում կարող է անել այն, ինչ ուզում է։ Ոչ ոք չի կանգնեցնի նրան։ Իսկ ի՞նչ կաներ ԱՄՆ-ը Մեքսիկայի հետ, եթե նա աներ այն, ինչ անում է Ադրբեջանը։ Կաներ այն, ինչ ուզում են», - ասել Կեդմին։
Նա նշել է, որ Իլհամ Ալիևը կրկնում է Ուկրաինայի և Ֆինլանդիայի սխալները։ «Պատմության մեջ հաճախ է պատահել, որ որևէ երկիր գերագնահատել է իր ուժը և արկածախնդրության է դիմել։ Դա վատ ավարտ է ունեցել նրա համար։ ԽՍՀՄ-ը մի անգամ առաջարկել էր Ֆինլանդիային դուրս բերել իր զորքերը Լենինգրադից։ Ֆինլանդիան հրաժարվել էր։ Դա նրան թանկ նստեց նրա վրա։ Չնայած ԽՍՀՄ-ը շատ հաջող ռազմական գործողություն չի իրականացրել։
Ուկրաինան հրաժարվել է համաձայնության գալ Ռուսաստանի հետ, շարունակում է իր ռուսաֆոբ քաղաքականությունը։ Որտե՞ղ է այժմ Ուկրաինան, ի՞նչ է մնացել դրանից, ո՞ւր է գնում այդ երկիրը։
Սրանք երկու ամենացայտուն օրինակներն են այն մասին, թե ինչպես է երկիրը գերագնահատում իր ուժը և մտածում, որ կարող է», - հիշեցրել է Կեդմին։
Նրա կարծիքով «Ադրբեջանը կրակի հետ է խաղում»։ «Պատմության մեջ Ադրբեջանը երբեք գոյություն չի ունեցել։ ԽՍՀՄ-ն է ստեղծել Ադրբեջանը։ Վրաստան եղել է, Հայաստան եղել է։ Ադրբեջանը երբեք գոյություն չի ունեցել։ Ժողովուրդը տարբեր անուններ է ունեցել։ Եվ հիմա ադրբեջանական ժողովրդի մեծամասնությունը ապրում է Իրանում, այլ ոչ թե Ադրբեջանում։ Սա պատմական զարգացման արդյունք է։ Եղել են ազգեր, որոնց առաջնորդները անխոհեմ քայլեր են արել գերագնահատելով իրենց ուժը, և այդ ազգերը վճարել են դրա համար», – ամփոփել է Կեդմին։
Նյութը հրապարակման պատրաստեց Կամո Խաչիկյանը
