Դուդչակ. Փաշինյանը շատ խնդիրներ է առաջացրել, Հայաստանը Ուկրաինայի ճանապարհով է գնում
ՔԱՂԱՔԱԿԱՆՈՒԹՅՈՒՆ
Հայոց եկեղեցին հզոր ուժ ունի հասարակությանը մոբիլիզացնելու և վարչապետ Նիկոլ Փաշինյանի նման մարդկանց դեմ պայքարելու համար։ Նման կարծիք է rt.com-ին տված հարցազրույցում հայտնել քաղաքագետ Ալեքսանդր Դուդչակը։
Ըստ նրա խնդրահարույց է ոչնչացնել Հայ եկեղեցին, այն աշխարհի ամենահներից մեկն է։ «Եկեղեցին հզոր ուժ ունի հասարակությանը մոբիլիզացնելու և Փաշինյանի նման դևերի դեմ պայքարելու համար։ Նրան խանգարում է Հայ եկեղեցու հավատացյալների և առաջնորդների կամքը», - ասել է քաղաքագետը։
Դուդչակը նշել է, որ Փաշինյանը ծրագրեր ունի «քաղաքական ինտրիգների արդյունքներով» ներկայիս կաթողիկոս Գարեգին II-ին փոխարինելու իր նման մեկով։ Նա արդեն իսկ ունի պատրաստի թեկնածու, նշել է քաղաքագետը։
«Նա պատրաստվում է միջամտել եկեղեցու գործերին։ Փաշինյանը չափազանց շատ խնդիրներ է առաջացրել, ցավալի է, որ Հայաստանին թույլ են տալիս գնալ Ուկրաինայի ճանապարհով», - ամփոփել է Դուդչակը։
Ավելի վաղ, rt.com-ի հետ զրույցում, քաղաքագետ, Ռուսաստանի կառավարությանը կից ֆինանսական համալսարանի դոցենտ Իգոր Սեմենովսկին ասել էր, որ Հայաստանի իշխանությունները շարունակում են քանդել ազգային հենասյուները։
Նյութը հրապարակման պատրաստեց Կամո Խաչիկյանը
