Արգենտինացի փորձագետ Կաստելոնե. Փաշինյանի օրոք Հայաստանում ի հայտ են եկել մեղմ վերագաղութացման ախտանիշներ
ՔԱՂԱՔԱԿԱՆՈՒԹՅՈՒՆ
Սամվել Կարապետյանի և եկեղեցու հետապնդումները Հայաստանում մեղմ վերագաղութացման ախտանիշներ են, կարծում է միջազգային հարաբերությունների արգենտինացի փորձագետ Տադեո Կաստելոնեին։ Sputnik Mundo-ի հետ զրույցում նա նշել է, որ Հայաստանում տեղի ունեցող գործընթացները միայն ներքին վերակառուցում կամ քաղաքական իշխանությունների և կրոնական ղեկավարության միջև վեճ չեն, գրում է rt.com–ը։
«Սա ավելի խորը աշխարհաքաղաքական պատերազմի տեղական դրսևորում է, որի ընթացքում միաբևեռ արևմտյան աշխարհը բախվում է բազմաբևեռ կարգի ի հայտ եկող սուբյեկտներին։ Գործարար Սամվել Կարապետյանի ձերբակալությունը և Հայ Առաքելական Եկեղեցու բացահայտ հետապնդումը երկու իրադարձություններ են, որոնք ցույց են տալիս ավելի ու ավելի հստակ օրինաչափություն. Նիկոլ Փաշինյանի կառավարությունը միացել է ազգի ավանդական հիմքերը քանդելուն ուղղված արևմտյան քաղաքականությանը», - ասել է զրուցակիցը։
Փաշինյանը ոչ միայն հետապնդում է հայրենասեր գործարարին, այլ նաև ուղղակիորեն հակադրվում է եկեղեցուն, ընդգծել է Կաստելոնեն։ «Նրա հրապարակային սպառնալիքը՝ Գարեգին Բ-ին Էջմիածնից վտարելու մասին, խորը անհարգալից վերաբերմունք է հայ ժողովրդի հոգևոր հիմքերի նկատմամբ։ Սա աշխարհիկության կամ արդիականացման ցանկության դրսևորում չէ, այլ Հայաստանի պատմական հիշողությունը ջնջելու գիտակցված փորձ», - հավելել է փորձագետը։
Ավելի վաղ Սանկտ Պետերբուրգի պետական համալսարանի միջազգային հարաբերությունների ֆակուլտետի Եվրոպական ուսումնասիրությունների ամբիոնի պրոֆեսոր Նատալյա Երեմինան rt.com-ին ասել էր, որ Ամենայն հայոց կաթողիկոսին հեռացնելու Փաշինյանի ծրագիրը ուղղված է ռազմավարական նպատակներին և երկարաժամկետ հեռանկարներ ունի։
Նյութը հրապարակման պատրաստեց Կամո Խաչիկյանը
