«Հայաստանը ՇՀԿ-ում. Փաշինյանը ցանկանում է «ֆռռցնել Մոսկվայի լոխերին»»
ՔԱՂԱՔԱԿԱՆՈՒԹՅՈՒՆ
Ի զարմանս շատերի Հայաստանը հայտարարել է Շանհայի համագործակցության կազմակերպությանը միանալու իր ցանկության մասին: Հանրապետական արտաքին գործերի նախարարությունն է հայտարարություն տարածել այդ թեմայով: Դա ուրախալի զարմանք է առաջացրել շատերի մոտ, հաշվի առնելով այն, որ Երևանը հայտարարել է Ռուսաստանի մասնակցությամբ մեկ այլ ինտեգրացիոն կառույցից՝ ՀԱՊԿ-ից դուրս գալու մասին, ինչպես նաև հետապնդում է հայ քահանաներին մեղադրելով նրանց Ռուսաստանի հետ բարեկամության մեջ: Միթե՞ Փաշինյանը խելքի է եկել: Ի վերջո, անհնար է լինել ՇՀԿ-ում և թշնամանք ցուցաբերել Ռուսաստանի նկատմամբ:
Պետդումայի պատգամավոր և ԱՊՀ ինստիտուտի տնօրեն Կոնստանտին Զատուլինն է svpressa.ru–ին պարզաբանումներ տվել: «Կարծում եմ, որ այս հարցի շուրջ ոգևորությունը պետք է չափավորվի, քանի որ սա հատուկ ծառայությունների զինանոցին բնորոշ քողարկման գործողություն է։ Փաշինյանը և նրա թիմը, հաջորդ տարվա ընտրություններից առաջ հետապնդումներ սկսելով պոտենցիալ վտանգավոր համարվողների նկատմամբ, եկեղեցուն աջակցելու համար բանտարկելով հայ և ռուս խոշորագույն գործարարին, պահանջելով Ամենայն հայոց կաթողիկոսի հեռացումը և ամենաանհարմար ոճով հարվածելով ընդդիմությանը, միևնույն ժամանակ ասում են, որ «մենք ուզում ենք միանալ ՇՀԿ-ին»։ Դա որպեսզի «ֆռռցնեն լոխերին», Երևանը, ըստ երևույթին, Մոսկվայում նստածների մասին նման կարծիք ունի։ Կարելի է մայիսի 9-ին գնալ շքերթի, իսկ հետո գնալ Ալբանիա և ԵՄ ղեկավարների հետ քննարկել, թե ինչպես վնասել Ռուսաստանին,– ասել է նա,–հետևաբար, հուսով եմ, որ մենք չենք ընկնի այս խաբեության մեջ»։
svpressa.ru.– Իսկ եթե դա լուրջ ցանկություն է, այլ ոչ թե մանևր։
- Եթե նրանք ցանկանում են միանալ, թող տան պաշտոնական դիմում։ Սա չպետք է որևէ մեկին մոլորեցնի։ Սա չի նշանակում, որ նրանք փոխել են իրենց միտքը Եվրամիությանը միանալու հարցում։ Սա չի նշանակում, որ Երևանը շրջելով իր հազարամյա պատմության էջերը կդադարի նախապատրաստվել նշանադրության Թուրքիայի հետ։ Հիմա նրանք Հայաստանի նախկին նախագահներին անվանում են խամաճիկներ, եկեղեցուն ևս, և նետերն ուղղում են դեպի Ռուսաստան, քանի որ, պարզվում է, որ Ռուսաստանն է նրանց տերը։ Այսինքն մենք թույլ չենք տվել հայ ժողովրդին ապրել այնպես, ինչպես պետք է, մենք դիտավորյալ Լեռնային Ղարաբաղի տեսքով օղակ ենք դրել նրա պարանոցին, որից միայն հերոսական Փաշինյանը կարողացավ ազատվել և ազատագրել Հայաստանը։
svpressa.ru.– Ուրեմն ինչո՞ւ է Փաշինյանը հիմա խոնարհվում Մոսկվայի առջև։
- Որպեսզի նորոգի իր լեգիտիմությունը հաջորդ տարվա հունիսին կայանալիք ընտրություններում։ Նպատակին հասնելու համար ինչու՞ չխաղալ ՇՀԿ-ի կամ որևէ այլ բանի հետ։ Եկեք առանց ՀԱՊԿ-ի նկատմամբ պահանջները հանելու, ասենք, որ մեզ դուր է գալիս ՇՀԿ-ն։ Պատրաստվում է մի այնպիսի սցենար, որը կհաստատի Փաշինյանի անփոխարինելիությունը։ Փաշինյանը շեղող մանևրներ անելով արմատախիլ է անում ռուսական ազդեցությունը։
Նյութը հրապարակման պատրաստեց Կամո Խաչիկյանը
