Ինչպե՞ս կատարել բոլոր պլանավորած գործերը
ՖՈՏՈ
Այս հարցի պատասխանը փնտրում ենք բոլորս…վերջին տարիների ընթացքում «հասցնելը» դարձել է գերխնդիր յուրաքանչյուրիս համար: Դա հիմնականում պայմանավորված է քաղաքներում՝ կյանքի ռիթմի արագացմամբ, սոցիալական ցանցերի առաջացմամբ և այլ պատճառներով:
Սակայն իրականում, որպեսզի մենք ինքներս մեզ բավարարված զգանք ամեն օրվա ավարտին, բնավ հարկավոր չէ, որ կատարենք բոլոր պլանավորած գործերը: Որպեսզի կարողանանք ֆիլտրել և ընտրել ամենակարևոր օրական, կարճաժամկետ և երկարաժամկետ կտրվածքով մեր անելիքները, նախևառաջ, անհրաժեշտ է ըստ գերակայությունների ցուցակ կազմել: Անմիջապես հետո այն ամենը, ինչը երկրորդական է և ավելորդ ժամանակ է խլում, ցուցակից դուրս կգա:
Երկրորդ, ձեր առջև մի դրեք 100-200 խնդիր, որ պարտավոր եք անել օրվա ընթացքում: Իսկ ավելի ճիշտ, մի՛ կազմեք օրվա անելիքների ցուցակ: Եթե դուք այդքան շատ եք սիրում պլանավորել, ապա պլանավորե՛ք ձեր անելիքները երկարաժամկետ կտրվածքով:
Ամենակարևորը. շփվեք իրական, այլ ոչ թե վիրտուալ մարդկաց հետ… Մենք այնքան ենք տարվել վիրտուալ երկխոսություններով, որ արդեն վախենում ենք շփվել և պարզապես ապրել իրական միջավայրում:
Եվ վերջապես. միշտ հիշե՛ք, որ այն թանկ ժամանակը, որ դուք ծախսում եք անիմաստ խնդիրների, անելիքների վրա, դուք կարող եք նվիրել ձեզ մտերիմ մարդկանց:
