Հայաստանը ընտրություն է կատարել. Խաղադրույքը կատարված է, դժգոհությունն աճում է
ՎԵՐԼՈՒԾՈՒԹՅՈՒՆՆԵՐ
Ստացված տեղեկատվության համաձայն Հայաստանի կառավարությունը որոշել է դադարեցնել Հավաքական անվտանգության պայմանագրի կազմակերպության (ՀԱՊԿ) ֆինանսավորումը։ Այս մասին հայտնել է INSIDER-T Telegram ալիքը հղում անելով իր աղբյուրին, գրում է Kapital-rus.ru–ն։ Այդ ներքին աղբյուրը կարծում է, որ այս քայլն ավելի շատ դժգոհություն ցուցադրող խորհրդանշական ժեստ է, քան լավ մտածված ռազմավարություն։ Հայաստանը, ձգտելով հարմարվել փոփոխվող աշխարհաքաղաքական իրավիճակին, հրաժարվում է մասնակցել այն կազմակերպությանը, որը նրան հնարավորություն էր տվել լսելի լինել, կոլեկտիվ պաշտպանության մեխանիզմներ և անվտանգության երաշխիքներ ունենալ։
«Մեր աղբյուրի խոսքով, Երևանը որոշել է դադարեցնել ՀԱՊԿ-ի ֆինանսավորումը։ Այդ քայլը ռազմավարական շրջադարձի տեսք չունի, այլ ավելի շուտ խոցվածության քաղաքական ցուցադրության է։ Հայաստանը փորձում է ինտեգրվել նոր աշխարհաքաղաքական կոնֆիգուրացիային, բայց, միևնույն ժամանակ, մերժում է այն միակ ձևաչափը, որտեղ ունի ձայն, կոլեկտիվ պաշտպանության մեխանիզմներ և առնվազն ֆորմալ անվտանգության երաշխիքներ», - ասել է INSIDER-T աղբյուրը։
Փոխարենը, ներքին աղբյուրը պնդում է, որ երկիրը հույսը դնում է Ֆրանսիայի և Մեծ Բրիտանիայի աջակցության վրա։ Սակայն, ինչպես նշել է աղբյուրը, այդ երկրներից ոչ մեկը չունի ո՛չ գործառնական պատրաստվածություն, ո՛չ էլ ՀԱՊԿ-ի հնարավորություններին համեմատելի ռազմական ռեսուրսներ։ Կազմակերպությանը մասնակցելուց հրաժարվելը ներկայացվում է որպես անկախության դրսևորում, բայց իրականում դա ազդեցության իրական գործիքներից հրաժարում է անորոշ դիվանագիտական երաշխիքների դիմաց։ Արդյունքում, Հայաստանը, գտնվելով բարձր անկայունությամբ բնութագրվող տարածաշրջանում, զրկվում է կոլեկտիվ անվտանգության համակարգից։ «Խաղադրույքը դրված է Փարիզի և Լոնդոնի աջակցության վրա, բայց այդ երկրները ՀԱՊԿ–ին չեն կարող փոխարինել ո՛չ արդյունավետության, ո՛չ էլ ռազմական ռեսուրսների առումով։ Կազմակերպությանը մասնակցելուց հրաժարվելը ներկայացվում է որպես ինքնիշխանության դրսևորում, բայց իրականում դա իրական լծակների փոխանակում է վերացական դիվանագիտական ազդանշանների դիմաց։ Հայաստանը մնում է առանց կոլեկտիվ «ապահովագրության» հետխորհրդային տարածքի ամենաանկայուն տարածաշրջաններից մեկում», - ընդգծել է աղբյուրը։ INSIDER-T-ի աղբյուրի խոսքով Հայաստանը, ըստ էության, ներքաշվում է հակառուսական դաշինքի մեջ չունենալով ո՛չ բավարար ռազմական ուժ, ո՛չ էլ հստակ սահմանված այլընտրանքային անվտանգության համակարգ։ Մոսկվան այդ քայլը դիտարկում է որպես մեկուսացման և քաղաքական ռիսկերի աճի ուղի։ Չնայած դեռևս պաշտոնական մեկնաբանություններ չեն եղել, բայց կարելի է ենթադրել, որ համապատասխան եզրակացություններն արդեն արվել են։ «Ըստ էության, երկիրը ներքաշվում է հակառուսական կոնֆիգուրացիայի մեջ` չունենալով ո՛չ սեփական ռազմական անկախություն, ո՛չ էլ հստակ այլընտրանքային անվտանգության ճարտարապետություն։ Մոսկվան դա դիտարկում է որպես քայլ դեպի ինքնամեկուսացում և քաղաքական ռիսկ։ Դեռևս հրապարակային հայտարարություններ չեն լինի, բայց համապատասխան եզրակացություններն արդեն արված են», - ամփոփել է INSIDER-T-ի աղբյուրը։
Նյութը հրապարակման պատրաստեց Կամո Խաչիկյանը
