ՔՊ-ում սրբազան թեմաները դարձրել են հումորի առարկա. ի՞նչ էր կատարվում Սեւանի առանձնատանը հունիսի 1-ին․ «Ժողովուրդ»
ՄԱՄՈՒԼԻ ՏԵՍՈՒԹՅՈՒՆ
«Ժողովուրդ» օրաթերթը գրում է.
«Հունիսի 1-ին, երբ հանրությունը դեռ քննարկում էր վարչապետ Նիկոլ Փաշինյանի աղմկահարույց գրառումը՝ «Սրբազան, գնա, շարունակիր քեռուդ կնգան դ…փել, ինձ հետ ի՞նչ գործ ունես», «Ժողովուրդ» օրաթերթին ՔՊ-ամերձ աղբյուրները պատմեցին, որ ալկոհոլի բաժակների շուրջ, տարբեր անկյուններում իշխող վերնախավի տարբեր ներկայացուցիչներ քննարկել, միմյանց հետ կատակներ են արել թե՝ «փնտրվում է քեռակինը»։ Ըստ նույն տեղեկությունների՝ ոչ ոք փորձ չի արել վարչապետին կոչ անել հետ կանգնել նման հռետորաբանությունից, կամ գոնե ներողություն խնդրել վիրավորված հավատացյալներից։ Ընդհակառակը՝ ներկաները առավելագույնս թեթեւ ու հեգնական են վերաբերվում թեմային՝ շարունակելով իրենց հերթին թիրախավորել եկեղեցուն։ Սա վկայում է մեկ բանի մասին. ՔՊ-ում սրբության, հավատքի եւ Հայ առաքելական եկեղեցու նկատմամբ հարգանքի նշույլ արդեն չի մնացել։
Այն, ինչ պետք է անհանգստության եւ հանրային ներողության առիթ դառնար, կուսակցության ներսում վերածվել է սեղանի շուրջ ծաղրի թեմայի։ Հիշեցնենք, որ Փաշինյանի գրառումը՝ «սրբազանի քեռու կնոջը» վերաբերող, հասարակության մեծ հատվածի շրջանում գնահատվեց խիստ քննադատորեն։ Շատերը չեն հավատում, թե վարչապետն է հեղինակը այդ գրառման՝ մտածելով, թե կոտրել են նրա էջը: ՔՊ խմբակցության քարտուղար Արթուր Հովհաննիսյանն էլ երեկ կրկին հիշեց, որ եկեղեցու ֆինանսական միջոցները պետք է ստուգվեն, եւ եկեղեցին պիտի հաշվետու լինի պետությանը: Մինչդեռ, ըստ ՀՀ Սահմանադրության, Եկեղեցին գործում է պետությունից անջատ:
Կարճ ասած՝ Սեւանի առանձնատանը ծավալված «կատակների» տրամաբանությամբ կարելի է եզրակացնել՝ ոչ թե պատահական էր վարչապետի գրառումը, այլ համակարգված մոտեցման արտահայտություն։ ՔՊ-ի համար այլեւս ամոթալի չէ ոտնահարել ազգային ու հոգեւոր արժեքները, եթե դրա միջոցով հնարավոր է ուշադրություն շեղել երկրի հրատապ խնդիրներից»։
Մանրամասները՝ «Ժողովուրդ» օրաթերթի այսօրվա համարում:
