Կանանց և տղամարդկանց սեքսուալության առանձնահատկություններն ու տարբերությունները
ԱՄԵՆԱԸՆԹԵՐՑՎԱԾ
Համարվում է, որ կանանց համար կարևոր է սիրային նախերգանքը, ինչպես նաև տղամարդու ուշադրությունն ու քնքշությունը, մինչդեռ տղամարդիկ պատրաստ են ցանկացած պահի սեքսով զբաղվել: Որպեսզի մարդիկ ավելի լավ հասկանան ինչպես ինքներն իրենց, այնպես էլ զուգընկերոջը, սեքսոլոգ ու հոգեթերապևտ Լարիսա Շտարկը բացատրել է տարբերությունը կանանց ու տղամարդկան սեքսուալության միջև:
Սեքսուալությունն այն է, թե ինչպես են մարդիկ արտահայտում և բավարարում իրենց սեռական ցանկությունը: Այս գործընթացը պայմանավորված է կենսաբանական, հոգեբանական ու սոցիալ-մշակութային գործոններով:
Մարդկանց սեքսուալությունը խիստ անհատական է և կախված է դաստիարակությունից, բնավորությունից, կենսաբանական առանձնահատկություններից ու պահվածքից, սակայն, այնումենայնիվ, կան որոշ գծեր, որոնք հատուկ են գրեթե բոլոր տղամարդկանց կամ գրեթե բոլոր կանանց:
Տղամարդկանց սեքսուալության առանձնահատկությունները
1. Տղամարդիկ ձգտում են հնարավորինս շատ զուգընկերուհիներ ունենալ
Տղամարդիկ ցանկանում են կայանալ սեռական կյանքում, ուստի ձգտում են շատ զուգընկերուհիներ ունենալ: Սա է պատճառը, տղամարդիկ ավելի հեշտ են սեռական կապի մեջ մտնում գրեթե անծանոթ կնոջ հետ, քան կանայք: Նրանք չեն հետաքրքրվում զուգընկերուհու հոգեվիճակով, չեն ուզում դառնալ մշտական զուգընկեր կամ ամուսին:
2. Տղամարդիկ ավելի պրակտիկ կերպով են օգտագործում իրենց սեքսուալությունը
Տղամարդիկ ավելի պրակտիկ են և սեքսն ընկալում են որպես են մի քանի փուլից բաղկացած աշխատանք, որն ավարտվում է կոնկրետ արդյունքով՝ օրգազմով: Տղամարդկանց սեքսուալությունը բավական պարզ է, քանի որ այն կրում է ֆիզիոլոգիական բնույթ:
Իրենց «աշխատանքը» լավ կատարելու համար նրանք կենտրոնանում են էրեկցիայի վիճակի, ֆրիկցիոն ընթացքի տևողության ու օրգազմի վրա, ընդ որում՝ ոչ միայն իրենց, այլև զուգընկերուհու համար:
3. Տղամարդիկ սեքսում հաջողակ լինելու անհրաժեշտություն են զգում
Տղամարդիկ աշխատում են խուսափել հարաբերություններում հուզականությունից, քանի որ կարծում են, որ զգացմունքները կխանգարեն լավ կատարել իրենց «աշխատանքը»: Ինքնագնահատականն և ինքնավստահությունը պահպանելու համար տղամարդը պետք է հիանալի սիրեկան լինի: Ցավոք՝ նման պահվածքը շատ արագ հանգեցնում է սեռական թուլության, քանի որ զգացմունքների բացակայության դեպքում զուգընկերուհին կարճ ժամանակ անց անհետաքրքիր է դառնում:
4. Տղամարդիկ ունեն զգացմունքներն ու սեքսը տարանջատելու սովորություն
Առհասարակ տղամարդիկ կանանց բաժանում են երկու խմբի՝ սեքսի համար և սիրո, ընտանիքի ու առօրյայի համար: Սա է պատճառը, որ հաճախ նրանք պահպանում են իրենց երկարատև հարաբերությունները, նույնիսկ եթե սեքսը մշտական զուգընկերուհու հետ նրանց այլևս չի հետաքրքրում: Տղամարդկանց համար շատ ավելի հեշտ է սեռական ցանկությունը որևէ այլ կնոջ հետ բավարարելը, քան մշտական զուգընկերուհու հետ սեռական կյանքը կարգավորելը:
5. Տղամարդիկ ունեն «աչքերով սիրելու» սովորություն
Տղամարդկանց գրավում է կանանց արտաքինը և այս փաստը պայմանավորված է նրանով, որ դարեր շարունակ կանանց սեքսուալությունն արգելված էր և ժխտվում էր, որ նրանք սեռական ցանկություն են ունենում: Համարվում էր, որ կանայք միայն պետք է ցուցադրեն իրենց և լինեն սեռական հետաքրքրության առարկա: Տղամարդիկ սովոր են, որ պետք է ուշադրություն դարձնեն կանանց արտաքինին, իսկ կանայք պետք է, իրենց հերթին, փորձեն գրավել տղամարդկանց ուշադրությունը:
Կանանց սեքսուալության առանձնահատկությունները
1. Կանայք ձգտում են իդեալականացնել զուգընկերոջը
Կանանց սեքսուալությունն ավելի շատ կախված է հոգեբանական ու սոցիալ-մշակութային ասպեկտներից, քան ֆիզիոլոգիական ու կենսաբանական: Նրանց համար շատ կարևոր է զուգընկերոջ հանդեպ վստահության առկայությունը: Հատկապես կարևոր է զուգընկերոջը որևէ բանի համար գնահատելն ու հարգելը:
Կանանց գրավում են իրական տղամարդու կերպարին համապատասխանող տղամարդիկ: Եթե կինը հետաքրքրվում է որևէ մեկով, նա գրեթե չի նկատում ընտրյալի թերությունները: Ընդ որում՝ սեռական ցանկությունը տղամարդու հանդեպ կպահպանվի այնքան ժամանակ, մինչ նա համապատասխանում է կատարյալ տղամարդու այդ կերպարին:
Հաճախ սեռական ցանկությունը պահպանվում է նույնիսկ տղամարդու կողմից վատ վերաբերմունքի, անուշադրության ու կոպտության դեպքում, ինչը պայմանավորված է նրանով, որ իդեալական զուգընկերոջ կերպարը հիմնվում է ընտանիքում ծնողների հարաբերությունների մոդելի վրա: Բարեբախտաբար՝ «երազանքների տղամարդու» կերպարը կարող է փոխվել:
2. Կանայք կարող են հաճույք ստանալ ոչ միայն օրգազմից
Եթե տղամարդկանց համար սկզբունքայնորեն կարևոր է օրգազմ ստանալը, ապա կանայք կարող են իրենց բավարարված զգալ նույնիսկ հասարակ շփման դեպքում: Հաճույք կարող են պատճառել գրակախառնությունները, համբույրները և նույնիսկ սեքսը, որը չի ավարտվել օրգազմով:
Բազմաթիվ հարցումները ցույց են տվել, որ կանայք կարող է բավարարվել նույնիսկ առանց օրգազմի, մինչդեռ տղամարդիկ՝ ոչ: Սա չի նշանակում, որ կանանց համար օրգազմը նշանակություն չունի, պարզապես սեռական բավականություն ստանալու հարցում նրանց կարող են օգնել նաև այլ գործոններ:
3. Կանայք ունեն «ականջներով սիրելու» սովորություն
Կանանց համար սիրո պլատոնաէրոտիկ ասպեկտը շատ ավելի կարևոր է, քան սեքսուալը: Կանանց մարմնի վրա ավելի շատ էրոգեն գոտիներ կան, նրանք ավելի զգայուն են և հպումներից ավելի մեծ հաճույք են ստանում: Տղամարդկանց էրոգեն գոտիները հիմնականում գտնվում են սեռական օրգանների հատվածում, ուստի նրանց համար ավելի հետաքրքիր է սեռական ակտը, քան սիրային նախերգանքը:
Բացի այդ, կանանց համար հաճելի է տղամարդկանց լսելը: Նրանց դուր են գալիս հաճոյախոսությունները և առհասարակ տղամարդկանց պատմությունները, քանի որ այն տղամարդը, որն ուզում է տպավորություն գործել, կխոսի իր հաջողությունների մասին՝ փորձելով համապատասխանել կնոջ համար իդեալական տղամարդու կերպարին:
