Փաշինյանի շիզոֆրենիայի մի քանի երանգները

Խորհրդարանը երեկ հերթական անգամ ապացուցեց, որ քաղաքական խոսքի և քաղաքակրթության հետ բացարձակ որևէ առնչություն չունի, իսկ պատճառը Նիկոլ Փաշինյանն էր, որի տված «համերգը» այս անգամ գերազանցեց նույնիսկ քպականների սպասելիքները։ Բղավոցներ, հայհոյանքներ, սպառնալիքներ, իրավունքի հետ կապ չունեցող հայտարարություններ, մի քիչ էլ, և «Քաղաքացիական պայմանագիրն» իսկական ձեռնամարտի կբռնվեր հանուն Փաշինյանի։

Ամեն ինչ սկսվեց, երբ ընդդիմադիր պատգամավորներից մեկը Փաշինյանին մեղադրեց կոռուպցիոն դրվագներով իր թիմակիցներին պատասխանատվության չենթարկելու, մամուլի հրապարակումներն անհետևանք թողնելու մեջ։ Հիշեցրեցին ԱՆԻՖ-ը, Նոր Նորքի թաղապետի հետ կապված միջադեպը։ Ի պատասխան, ողջամիտ որևէ խոսք չկարողանալով ասել, Փաշինյանն անցավ վիրավորանքների։ Ընդհուպ նստած տեղից, պատգամավորներից մեկի հասցեին, հնչեցրեց «համբալ» արտահայտությունը։ Կոռուպցիայի հետ կապված մեղադրանքները գործող իշխանությունների համար ամենածանրն են, քանի որ որևէ բացատրություն չունեն, միջազգային կառույցներն էլ փաստել են, Հայաստանում կոռուպցիան շարունակում է շատ ավելի մեծ ծավալներով, որքան էլ Նիկոլ Փաշինյանը փորձի համոզել, թե համակարգային կոռուպցիան արմատախիլ է արվել։

Ի դեպ, Փաշինյանի շիզոֆրենիայի ևս մեկ պատճառ կար երեկ։ Նա իրեն պատեպատ էր զարկում, քանի որ տեղեկացել էր, որ Մոսկվայում կայանալիք Հաղթանակի 80-ամյակին նվիրված շքերթին հրավիրված է եղել նաև երկրորդ նախագահ Ռոբերտ Քոչարյանը։ Առայժմ հայտնի չէ՝ արդյոք Սերժ Սարգսյանին հրավիրե՞լ են, թե՞ ոչ, բայց այն, որ երկրորդ նախագահին հրավիրել են, արդեն իսկ հունից հանել էր Փաշինյանին, որը խորհրդարանում երեկ իրեն պահում էր «նռնակը ձեռքին կապիկի պես»։

Շուշան Գալստյան