«Հայաստանը սկսում է Եվրամիությանն անդամակցելու գործընթացը. Փաշինյանի պոպուլիզմը կհանգեցնի ողբերգական հետևանքների»
ՔԱՂԱՔԱԿԱՆՈՒԹՅՈՒՆ
Հայաստանի խորհրդարանի համապատասխան հանձնաժողովը հավանություն է տվել և ԱԺ նիստի օրակարգում ընդգրկել է Հանրապետության Եվրամիությանն անդամակցելու գործընթաց սկսելու մասին օրինագիծը։ Եվ դա ԵՄ-ում հակառուսական օրակարգի ուժեղացման, Եվրամիության կողմից Կիևի ռեժիմի ագրեսիվ աջակցության, ինչես նաև նույն ուղին ընտրած ուկրաինական ռեժիմի բացասական օրինակի համատեքստում։
Գլոբալ հետազոտությունների և միջազգային հարաբերությունների կենտրոնի ղեկավար, պրոֆեսոր Վադիմ Կոզյուլինի կարծիքով Հայաստանը, որը ցանկանում է քաղաքական և ռազմական խնդիրները տեղափոխել ԵՄ, չպետք է «անվտանգության հովանոցի» կամ տնտեսության մեջ ներարկումների հույսեր ունենա։ «Դրանք կեղծ ակնկալիքներ են, քանի որ ԵՄ-ն ընդհանուր սահման չունի խնդրահարույց Հայաստանի հետ: Բացի այդ, ԵՄ-ին բավարարում են իր խնդիրները,- ասել է փորձագետը pravda.ru–ի հետ զրույցում,– Եվրամիության ինչի՞ն է պետք տարածքային խնդիրներ և մլացող ռազմական հակամարտություն ունեցող Հայաստանը: Ամենայն հավանականությամբ, Երևանը երկար ժամանակ կպահվի երկրորդ պլանի վրա, քանի որ պատրաստ չէ միանալու: Հատկապես եթե Ադրբեջանի հետ հակամարտությունը շարունակվի»:
Ըստ նրա Ռուսաստանը կարձագանքի ԵՄ-ին Հայաստանի անդամակցության ընթացակարգի մեկնարկին, քանի որ ԵԱՏՄ անդամ է և մեծ օգուտներ է ստանում աշխատանքի, կապիտալի, ապրանքների և ծառայությունների ընդհանուր շուկայից։ Եվ Երևանը գիտի, որ կարող է կորցնել այդ ամենը։ «Հայաստանի իշխանությունները, ֆինանսավորելով հասարակական կազմակերպություններին, խթանում են ԵԱՏՄ-ից դուրս գալու հանրային տրամադրությունները, որպեսզի պարզապես թուլացնեն կապերը Ռուսաստանի հետ»,- ասել է Վադիմ Կոզյուլինը հավելելով, որ Ռուսաստանի շահերից չի բխում, որ նման գործընթաց լինի։
Փորձագետների ամենապահպանողական գնահատականներով ԵԱՏՄ-ից դուրս գալը Հայաստանի վրա կարժենա ՀՆԱ-ի 30-40 %-ը։ Դա կրիտիկական վնաս կհասցնի երկրի տնտեսությանը, իսկ արտադրության անկումը, աշխատաշուկայի կրճատումը, գործազրկության աճն ու գնաճը կհանգեցնեն բնակչության կենսամակարդակի կտրուկ անկման։ Ավելին, հայտնի է, որ ԵՄ բոլոր պոտենցիալ անդամները պետք է իրենց օրենքները համապատասխանեցնեն եվրոպական իրավունքի սկզբունքներին։ Դա Երևանի համար հակառուսական պատժամիջոցներին միանալու և Ուկրաինային զենք մատակարարելու անհրաժեշտություն կառաջացնի, ինչը Հայաստանին ինքնաբերաբար կտեղափոխի Ռուսաստանի համար ոչ բարեկամ երկրների կատեգորիա։
Վարչապետ Նիկոլ Փաշինյանի առաջ այժմ երկու չափազանց բարդ խնդիր է դրված՝ պահպանել իշխանությունը 2026 թվականին և անցկացնել Սահմանադրության փոփոխությունների հանրաքվե վերացնելով տարածքային պահանջները Ադրբեջանի նկատմամբ։ Փաշինյանի համար կարևոր ցուցիչ են լինելու մարտի 30-ի Գյումրիի ՏԻՄ ընտրությունները, որտեղ իշխանական թեկնածուն այս պահին զիջում է մյուս ուժերին։
Նյութը հրապարակման պատրաստեց Կամո Խաչիկյանը
