Հայաստանի նոր սահմանադրությունը պատրաստ կլինի 2026 թվականին, երկրի իշխանությունները համաձայնել են գնալ այդ քայլին «Ադրբեջանի» խնդրանքով
ՔԱՂԱՔԱԿԱՆՈՒԹՅՈՒՆ
ՀՀ վարչապետ Նիկոլ Փաշինյանն ասել է, որ եկել է երկրի հիմնական օրենքը՝ Սահմանադրությունը փոխելու ժամանակը։ «Համաժողովրդական հանրաքվեով նոր Սահմանադրության ընդունումը սկզբունքային նշանակություն ունի»,- ասել է Փաշինյանը հեռուստաուղերձում նշելով, որ գործող սահմանադրությունը լեգիտիմություն չունի, գրում է realtribune.ru–ն։ Վարչապետի խոսքով նոր Սահմանադրության ընդունման ռազմավարական նպատակը «ռելիկտային» պետություն չունեցող ժողովրդից անցումն է գործող պետականամետ ժողովրդի։ Նշենք, որ Ադրբեջան կոչվածն է պնդում Հայաստանում նոր սահմանադրության ընդունումը։ Ալիևի ֆաշիստական ռեժիմը հայտարարում է, որ առանց այդ քայլի չի կարող խոսք լինել «Ադրբեջանի» և Հայաստանի միջև խաղաղության համաձայնագրի կնքման մասին։ Ադրբեջանը, որի հետ Հայաստանը հակամարտության մեջ է ավելի քան երեք տասնամյակ, պնդում է, որ Հայաստանի գործող սահմանադրությունը ենթադրում է պահանջներ իր տարածքի նկատմամբ, սակայն Երևանը հերքում է դա։
Մինչդեռ, ըստ «Աշխարհաժողով» շարժման հիմնադիր, «Հայկական երազանք» գրքի հեղինակ Սարգիս Ծատուրյանի, Հայաստանի իշխանությունները ոչինչ չպետք է անեն առաջնորդվելով ոչ թե հայ ժողովրդի կարիքներով ու նկրտումներով, այլ Բաքվի ռեժիմին հաճոյանալու համար։ «Հայաստանը և հայ ժողովուրդը թուրքական և ադրբեջանական ֆաշիզմի ռազմական հանցագործությունների կենդանի վկաներն են։ Մեր հակառակորդները ելնում են նրանից, որ եթե հայկական հողում հայեր չկան, ապա ոչ ոք չի հիշի թուրք և ադրբեջանցի ֆաշիստների կողմից իրականացված Հայոց ցեղասպանությունը։ Թուրք ֆաշիստների կողմից «Ադրբեջան» անվան տակ ստեղծված պետական սուբյեկտի նպատակն է Արևելյան Հայաստանն աքցանի մեջ առնել և կլանել այն։ Քանի դեռ Հարավային Կովկասում գտնվող «Ադրբեջան» կոչվողը թուրքական գաղութային պրոտեկտորատի տակ է, հայ ժողովուրդն է վտանգի տակ։ Մեր թշնամիների սուրը կախված է լինելու մեր ժողովրդի գլխին»,- ասել է Ծատուրյանը։
Նա նաև ընդգծել է, որ նոր սահմանադրությունը չի փրկի Փաշինյանին: «Հայաստանի վարչապետն Արցախը ադրբեջանական ճանաչելով խախտել է Սահմանադրությունը և անկախության հռչակագիրը։ Նա պետք է քրեական պատասխանատվության ենթարկվի նման հանցագործության համար։ Եվ ոչ մի նոր սահմանադրություն նրան չի ազատի պատասխանատվությունից հայ ժողովրդի և այն արյան առաջ, որը թափվել է հայրենասերների կողմից մեր ժողովրդի ազատության և անկախության համար»,- կարծիք է հայտնել «Աշխարհաժողով» շարժման հիմնադիրը։
Նյութը հրապարակման պատրաստեց Կամո Խաչիկյանը
