«Այստեղ աշխատում են, տանը ծախսում». ո՞ր երկրներ են ամենաշատ գումար ուղարկում Ռուսաստանից. Հայաստանն ու Ադրբեջանն առաջատարների թվում են
ՔԱՂԱՔԱԿԱՆՈՒԹՅՈՒՆ
РБК հրատարակությունը նայել է Ղրղզստանի, Վրաստանի, Հայաստանի և Ադրբեջանի կենտրոնական բանկերի վիճակագրությունը և վերլուծել այն տվյալները, որոնք հաշվի են առնում դրամական փոխանցումները բանկային ենթակառուցվածքների և դրամական փոխանցումների համակարգերի միջոցով, գրում է bloknot.ru–ն:
Հրատարակությանը հաջողվել է պարզել, որ Հայաստանն է առաջին տեղում Ռուսաստանից դրամական փոխանցումների հարցում: 2024 թվականի 11 ամիսների տվյալներով 3,2 միլիարդ դոլարին համարժեք գումար է մտել Հայաստան, ընդ որում Ռուսաստանն է հանդիսանում այդ փոխանցումների հիմնական երկիրը: Այնուամենայնիվ, չնայած այն հանգամանքին, որ այդ երկիրը փաստացի սնվում է Ռուսաստանում գործող հայկական բիզնեսներով, ՀՀ վարչապետ Նիկոլ Փաշինյանը հապճեպ կերպոով փորձում է հրաժարվել Ռուսաստանի հետ հարաբերություններից և մերձենալ ԵՄ-ի և ԱՄՆ-ի հետ։
2024 թվականին Ռուսաստանից ստացված դրամական փոխանցումների ծավալով երկրորդ տեղը զբաղեցրել է Ղրղզստանը։ Դեպի այս երկիր տրանսֆերտների ընդհանուր ծավալը հասել է 2,6 միլիարդ դոլարի։
Մեկ տարում Ռուսաստանից Վրաստան դրամական փոխանցումների համակարգերով այդ երկիր է ուղարկվել 541,2 մլն դոլար: Վրաստանում ստացված դրամական փոխանցումների քանակով ևս Ռուսաստանն առաջին տեղն է զբաղեցնում, այստեղ առաջին եռյակում են նաև ԱՄՆ-ն ու Իտալիան։ Միևնույն ժամանակ, Վրաստանը չի շտապում դիվանագիտական հարաբերություններ հաստատել Ռուսաստանի հետ և հայտարարել է եվրաինտեգրման ծրագրերի մասին:
Նաև պարզվել է, որ 2024 թվականի 9 ամիսների ընթացքում Ռուսաստանից Ադրբեջան տրանսֆերտների ծավալը կազմել է 410,7 մլն դոլար։ Դա նշանակում է, որ տարեկան տրանսֆերտներն Ադրբեջան հավանաբար կգերազանցեն անգամ Ռուսաստանից Վրաստան տրանսֆերտները։ Համենայն դեպս Ադրբեջանն առնվազն չորրորդ տեղն է զբաղեցնում Ռուսաստանից դրամական փոխանցումների ընդհանուր ցուցակում։ Ադրբեջանի Կենտրոնական բանկի (ԿԲ) վիճակագրության դեպարտամենտի տնօրեն Սամիր Նասիրովը նշել է, որ 2024 թվականի հունվար-սեպտեմբերին Ադրբեջան փոխանցված գումարների ընդհանուր ծավալով Ռուսաստանը մեծ տարբերությամբ առաջատարն է։ «Դեպի Ադրբեջան դրամական փոխանցումների ծավալով առաջին հնգյակում են Ռուսաստանը՝ 410,718 մլն դոլար, Թուրքիան՝ 130,332 մլն դոլար, ԱՄՆ-ը՝ 47,981 մլն դոլար, Վրաստանը՝ 26,574 մլն դոլար և Միացյալ Թագավորությունը՝ 25,52 մլն դոլար»,- նշել է Սամիր Նասիրովը։ Այնուամենայնիվ Ադրբեջանի նախագահ Իլհամ Ալիևը նախընտրում է ավելի սերտ հարաբերություններ կառուցել Թուրքիայի, քան Ռուսաստանի հետ: Բացի դա ադրբեջանական AZAL ինքնաթիռի կործանումից հետո, Ադրբեջանի և Ռուսաստանի հարաբերությունները վատթարացել են, քանի որ չսպասելով հետաքննության պաշտոնական արդյունքներին, Իլհամ Ալիևը շտապել է մեղադրել Ռուսաստանին վթարի համար, պահանջելով ներողություն խնդրել, մեղավորներին պատժել և տրամադրել փոխհատուցում:
Նյութը հրապարակման պատրաստեց Կամո Խաչիկյանը
