Հայաստանը պատասխան է պահանջում. ինչո՞ւ Մինսկում ձերբակալեցին հայտնի հայ կին բլոգերին
ՔԱՂԱՔԱԿԱՆՈՒԹՅՈՒՆ
Տեղեկությունը, որ հայուհի Ռոզա Բաբախանյանը ձերբակալվել է Բելառուսում, հայտնվել է Հայաստանում Բելառուսի Հանրապետության դեսպանատան ոչ պաշտոնական աղբյուրներին հղումով։ Աղջկան մեղադրում են Քրեական օրենսգրքի հինգ հոդվածներով։ Դա ներառում է ռասայական, ազգային, կրոնական կամ այլ սոցիալական ատելության կամ տարաձայնության հրահրում, ինչպես նաև զրպարտություն: Հաղորդվում է, որ ձերբակալության պատճառը համացանցում Ռոզայի մեկնաբանություններն են։ Հիմա պատրաստվում են բլոգերին արտաքսել, բայց ոչ թե հայրենիք՝ Հայաստան, այլ Ադրբեջան։
«Առնվազն կարելի է խոսել Բելառուսում ձերբակալված Հայաստանի քաղաքացու նկատմամբ նպատակաուղղված գործողության մասին։ Ինչպես գիտենք, նա նաև Հայաստանի քաղաքացի է, իսկ Բելառուսում, մեր տեղեկություններով, միայն բնակվելու թույլտվություն ունի։ Հաշվի առնելով ներկայիս ոչ թե Բելառուսի և Հայաստանի հարաբերությունները, այլ կոնկրետ Բելառուսի նախագահի վերաբերմունքը, մենք բոլոր իրավունքներն ունենք հավատալու, որ նման վտանգ, սպառնալիք կա», – ասել է հայ քաղաքական գործիչ Վլադիմիր Պողոսյանը radiosignal.news–ի հետ զրույցում։
Մինսկի և Երևանի հարաբերությունները նկատելիորեն վատթարացել են այն բանից հետո, երբ պարզվեց, որ Բելառուսը զենք է մատակարարել Ադրբեջանին Լեռնային Ղարաբաղի պատերազմի համար։ Այնուհետև Ալեքսանդր Լուկաշենկոն և Հայաստանի վարչապետ Նիկոլ Փաշինյանը սուր մեղադրող հայտարարություններ փոխանակեցին, իսկ Երևանում հայտարարեցին, որ հայ քաղաքական գործիչներն այլևս Բելառուս չեն այցելելու։
Ըստ Պողոսյանի բլոգերի կալանավորման հետ կապված ներկայիս միջադեպը կարող է լինել Բելառուսի և Հայաստանի միջև հակադրության շարունակությունը։ «Մենք գիտենք, որ նրա մոտ են եկել ՕՄՕՆ-ականները, 2 օր հետո տարել են, որոշել են 15 օրով կալանավորել: Նրան մեղադրում են ատելություն հրահրելու մեջ: Բայց ի՞նչ ատելություն։ Մենք կարծում ենք, որ Բելառուսը պետք է անհապաղ ազատ արձակի նրան, նույնիսկ, եթե նա ինչ որ մեկնաբանություն է գրել նախագահի մասին, դա չի կարող հիմք հանդիսանալ անձին կալանքի տակ դնելու համար։ Բայց վախենալ աղջկանից բնակվելու թույլտվություն ունեցող հայից, նրան այդպես պատժել»,- հավելել է Պողոսյանը։
Ավելացնենք, որ Երևանը չի նախատեսում վերադարձնել իր դեսպանին Բելառուս, ըստ մամուլի հրապարակումների, անցյալ տարվա հունիսին նրա հետկանչից հետո դիվանագետը չի վերադարձել Մինսկ։
Նյութը հրապարակման պատրաստեց Կամո Խաչիկյանը
