Պետդումայում խոսել են դեպի Եվրամիություն շրջվելու Հայաստանի որոշման մասին
ՔԱՂԱՔԱԿԱՆՈՒԹՅՈՒՆ
ՌԴ Պետդումայի միջազգային հարցերով հանձնաժողովի անդամ Դմիտրի Բելիքը Gazeta.Ru-ի հետ զրույցում հայտարարել է, որ Հայաստանին Եվրամիությունում (ԵՄ) «գրկաբաց» չեն ընդունի սեփական խնդիրների առատության պատճառով, գրում է mk.ru–ն։ Խորհրդարանականը կարծում է, որ ԵՄ–ին անդամակցելուց երկիրն անվտանգության երաշխիքներ չի ստանա։ Ինչպես նշել է հրատարակության զրուցակիցը, շրջադարձ կատարելով ԵՄ-ի օգտին, Հայաստանը պետք է հասկանա, որ անդամակցությունը Հավաքական անվտանգության պայմանագրի կազմակերպության (ՀԱՊԿ) և Եվրասիական տնտեսական միության (ԵԱՏՄ) ասոցիացիաներին, որոնք իր համար կարևոր և ձեռնտու են թե՛ անվտանգության, թե՛ տնտեսական տեսանկյունից, անհնար է լինելու, և Երևանը չի կարողանա «միաժամանակ նստել երկու աթոռի վրա»։
Ինչ վերաբերում է Եվրամիությանն անդամակցելու միջոցով այդ երկրին խոստացված անվտանգությանը, ապա, ըստ Բելիքի, նման երաշխիքները խիստ կասկածելի են հաշվի առնելով բուն միության ներսում առկա հակասությունները և անկայունությունը։ Պատգամավորը պնդել է, որ ընդհանուր առմամբ միամտություն է ԵՄ անդամակցությունը որպես մեծ օրհնություն ընկալելը, քանի որ Եվրոպայում, որն ինքն էլ է բախվում խնդիրների մի ամբողջ շղթայի, ոչ մեկին «գրկաբաց» չեն ընդունում։
Պատգամավորը կարծում է, որ ԵՄ-ին անդամակցելու ցանկությունն ավելի շատ հայ քաղաքական գործիչներից է գալիս, քան երկրի քաղաքացիներից։ Կարևորն այն է, որ այն վեկտորը, որն իր համար ընտրում է երկրի ղեկավարությունը, չպետք է հակառակ գնա իր քաղաքացիների ցանկությանը, և հարցն այն է, թե արդյո՞ք դա իսկապես «ժողովրդի կամքն է», ինչպես ցանկանում են ներկայացնել հայ քաղաքական գործիչները, եզրափակել է հրատարակության զրուցակիցը։
Նյութը հրապարակման պատրաստեց Կամո Խաչիկյանը
