Հայաստանի քաղաքացիների գրեթե 40 %-ն իր եկամտի մեծ մասը ծախսում է սննդի վրա
ՏՆՏԵՍՈՒԹՅՈՒՆ
Realtribune.ru-ն Telegram սոցիալական ցանցում հերթական հարցումն է անցկացրել Հայաստանի քաղաքացիների շրջանում։ Ուսումնասիրությունը նպատակ ուներ պարզել, թե ինչի՞ վրա են քաղաքացիները ծախսում իրենց գումարները։
Հարցմանը մասնակցել է 965 մարդ։ Հարցվածների 38 %-ը (367 մարդ) ասել է, որ իրենց աշխատավարձի մեծ մասը բաժին է ընկնում սննդին և հագուստին։ Հարցվածների 24 %-ը (227 մարդ) նշել է, որ իրենց եկամուտների մեծ մասը ծախսվում է վարձակալության վրա։ Հարցվածների 12 %-ի (119 մարդ) կարծիքով իրենց աշխատավարձի առյուծի բաժինը ծախսվում է կոմունալ ծառայությունների վճարման վրա։ Հարցման մասնակիցների 11 %-ը (104 հոգի) իրենց եկամուտների մեծ մասը ծախսում են երեխաների կրթության վրա, 8 %-ը (80 հոգի) ռեստորանների, 5 %-ը (50 հոգի) վառելիքի և տրանսպորտի վրա։ Եվ միայն 2 %-ն է (18 հոգի) գումար ծախսում կինոյի, թատրոնի և մշակութային այլ զվարճությունների վրա։
Հայաստանի Ազգային վիճակագրական կոմիտեի տվյալներով Հայաստանում միջին ամսական անվանական աշխատավարձը ներկայումս կազմում է մոտ 280 հազար դրամ (723 դոլար)։ Պետական հատվածում միջին ամսական աշխատավարձը կազմում է 218 հազար դրամ (562 դոլար), իսկ ոչ պետական հատվածում 303 հազար դրամ (781 դոլար)։
Միաժամանակ հոկտեմբերին գնաճը կազմել է 0,6 %։ Ըստ այդ ծառայության հոկտեմբերին ոգելից խմիչքների և ծխախոտային ապրանքների գներն աճել են 3,9 %-ով։
Առողջապահության ոլորտում ընթացիկ տարվա հոկտեմբերին գների աճը կազմել է 2,2 %, տրանսպորտի ոլորտում 6,8 %, կապի ոլորտում 0,4 %, կրթության ոլորտում 7,8 %, ռեստորանային և հյուրանոցային ոլորտներում 1,9 %: Բացի այդ, բնակչության համար ծառայությունների սակագների աճը 2024 թվականի հոկտեմբերին տարվա կտրվածքով կազմել է 3,3 %:
Numbeo-ի վերլուծաբանների վերջին տվյալների համաձայն կոմունալ ծառայությունների միջին ամսական արժեքը, որը ներառում է 85 քմ մակերեսով բնակարանի էլեկտրաէներգիայի, ջեռուցման, օդորակման, ջրամատակարարման և աղբահանության ծախսերը Հայաստանում 2024 թվականին կազմել է 130,4 դոլար։
Նյութը հրապարակման պատրաստեց Կամո Խաչիկյանը
