Աղազարյանի ելույթը ես կորակեմ որպես քաղաքական բարոյականություն, վերադառնալու ճիչեր ու բոցեր․ Պարույր Հայրիկյան
ՔԱՂԱՔԱԿԱՆՈՒԹՅՈՒՆ
Ինչպես արդեն հայտնել էինք՝ մի քանի օր է, ինչ հայկական մամուլում շարունակում է շրջանառվել Հովիկ Աղազարյանի՝ օրերս Ազգային ժողովում դրսևորած պահվածքը։ Այս ամենի շուրջ Lurer.com-ը պարզաբանումներ է փորձել ստանալ «Ազգային ինքնորոշում միավորում» կուսակցության առաջնորդ Պարույր Հայրիկյանից։
«Աղազարյանին բավական վաղուց եմ ճանաչում։ Տարբեր քաղաքական ուժերի հետ է եղել ժամանակին։ Ընդհանրապես, ինքը փորձում էր պահել կոռեկտության սահմանները։ Էնպես, որ վերջին շրջանում ՔՊ-ի հետ աշխատելով՝ ես ինքս շատ լավ գիտեմ, որ նա բավական զգուշավորությամբ էր հանդես գալիս, բայց այդ վերջին ելույթը ես կորակեմ՝ որպես քաղաքական բարոյականություն վերադառնալու ճիչեր ու բոցեր։ Ինձ համար դա բավական հետաքրքրական էր, քանի որ վաղուց Աղազարյանն էդպես մտահոգությամբ հանդես չէր եկել, որ մենք հավերժ չենք և վաղը պետք է այսպիսի բան լինի։
Այսինքն, խոսում էր այն, ինչի մասին ես խոսելիս մշտապես նշում եմ, որ լավ օրենքներն հայրենիքի համար պետք չեն գալիս այն ժամանակ, երբ դու իշխանություն ունես։ Մոտավորապես այդ ոգին էր տիրում իր ելույթի մեջ։ Հետո, քանի որ մնացյալին ես մանրամասն ծանոթ չեմ՝ ուղղակի կծկտուր չեմ կարող ասել։
Օրինակ՝ ինքը շատ հստակ ասում էր․ «Ինձ մեղադրում են, որ ես որդուս համար քո մոտ մարդ եմ ուղարկել»։ Էդտեղ ես գտնում էի, որ ինքը շատ հստակ էր արտահայտվում, բայց պատասխանն ինչպիսի՞ն էր՝ չիմացա։ Ընդհանրապես, անշնորհակալ գործ է որևէ երևույթի մասին խոսել՝ առանց մանրամասնություններին ծանոթ լինելու։ Դրա համար ես խոսեցի այն բանի մասին, որը տեսանելի է ակնհայտորեն և ինձ համար լավ էր։ Որևէ մարդու, անգամ որևէ սխալական մարդու (Աղազարյանին նկատի չունեմ այս դեպքում) դրական դրսևորումները՝ ես համարում եմ որպես ճիշտ ճանապարհ փնտրող մարդու որոնումներ»,-նշել է մեր զրուցակիցը։
Դիանա Մանուկյան
