«Սերգեյ Միրոնով. Հայաստանում սկսվել է նոր «մայդանի» նախապատրաստությունը Արևմտյան ուսումնական մեթոդականների կանոններով»
ՔԱՂԱՔԱԿԱՆՈՒԹՅՈՒՆ
Հայաստանում Եվրամիությանն անդամակցելու հարցով ստորագրահավաքի սկիզբը Արևմուտքի հակառուսական քաղաքականության մի մասն է և հանրապետությանը սպառնում է նոր «մայդանով», կարծում է Պետդումայի «Արդար Ռուսաստան-Հանուն ճշմարտության» կուսակցական խմբակցության ղեկավար Սերգեյ Միրոնովը, գրում է spravedlivo.ru–ն:
«Ես վատ լուր ունեմ Հայաստանի բնակիչների համար, երկիրը պատրաստվում է նոր «մայդանի» ըստ արևմտյան ուսումնական ձեռնարկների։ Սցենարը այն նույնն է ինչը օգտագործվել է Վրաստանում, Ուկրաինայում և այլ երկրներում՝ շրջանառության մեջ է դրվում այն առասպելը, որ Եվրամիությանը անդամակցելը ինքնին բոլորին կդարձնի երջանիկ ու հարուստ»,- մեկնաբանել է իրավիճակը քաղաքական գործիչը։
Նա նշել է, որ այս անգամ «արևմտյան խամաճիկները» մարտավարություն են ընտրել ելնելով Հայաստանի օրենսդրության առանձնահատկություններից, որը նախատեսում է հարցի պարտադիր ներկայացում համապետական հանրաքվեի, եթե հավաքվի 300 հազար ստորագրություն։
«Ովքե՞ր են հավաքելու, ո՞վ են դրանք հաշվելու, ո՞վ է վերահսկելու այդ գործընթացի թափանցիկությունը: Հայաստանում շատերի մոտ չկա վստահություն այդ ամենի հանդեպ այնպես, ինչպես որ հայ հասարակության մեջ չկա միասնություն երկրի զարգացման հարցում։ Հակառակ դեպքում ԵՄ-ին անդամակցելու մասին համապատասխան օրենքը վաղուց ընդունված կլիներ խորհրդարանի կողմից»,- նշել է Միրոնովը։
Նրա խոսքով, Փաշինյանի և նրա արևմտյան կուրատորների խնդիրն այն է, որ այսքան տարվա ընթացքում նրանք չեն կարողացել խաբել երկրի բնակիչների մեծամասնությանը այնպես, որ նրանք հավատան պայծառ ապագայի մասին եվրոպական հեքիաթներին և դրա հետ մեկտեղ պատմական հարևան Ռուսաստանի հետ հարաբերությունները խզելու անհրաժեշտությանը։
«Հիմա Ղարաբաղի խայտառակության ֆոնին նորից փորձում են Ռուսաստանին մեղավոր նշանակել: Բայց ո՞ւմ հետ կմնա Հայաստանը, եթե դուրս գա ԵԱՏՄ-ից և ՀԱՊԿ-ից: Եվրոպայի՞ հետ, թե՞ ՆԱՏՕ-ի հետ: Ոչ, կմնա իր հին հարևանների հետ՝ Թուրքիա, Ադրբեջան ու Վրաստան, որոնք արդեն կուշտ են ԵՄ-ին «անդամակցությունից» և Ռուսաստանի հետ հակամարտելուց: Հայաստանի բնակիչները, իհարկե, պետք է ունենան ընտրության իրավունք, բայց այն պետք է ազատ լինի»,- ամփոփել է Սերգեյ Միրոնովը։
Նյութը հրապարակման պատրաստեց Կամո Խաչիկյանը
