Դաշնային խորհրդից պատասխանել են Երևանի իշխանության զավթման խմբի Ռուսաստանում պատրաստման մասին լուրերին
ՔԱՂԱՔԱԿԱՆՈՒԹՅՈՒՆ
Հայաստանի վարչապետ Նիկոլ Փաշինյանը ցանկանում է ամեն գնով որպես թշնամի ներկայացնել Ռուսաստանը, news.ru-ի հետ զրույցում ասել է ՌԴ Դաշնային խորհրդի միջազգային հարցերով հանձնաժողովի փոխնախագահ Անդրեյ Կլիմովը։
Նա նշել է, որ այդ քաղաքական գործչի հայտարարությունները Ռուսաստանի Դաշնությունում Հայաստանում իշխանությունը զավթելու խմբավորման նախապատրաստման մասին հակասում է տրամաբանությանը։
«Երբ մարդիկ նման լուրերով են հանդես գալիս, հասկանո՞ւմ են, որ Ռուսաստանում ավելի շատ հայ է ապրում, քան Հայաստանում։ Ասել դա նշանակում է անտրամաբանական բան ասել: Այսօրվա Երևանն ամեն գնով ուզում է մութ սենյակում սև կատու գտնել, չնայած այն այնտեղ չկա։ Հակառակ ողջամտության, Փաշինյանը ցանկանում է Ռուսաստանին որպես թշնամի տեսնել, չնայած որ դարեր շարունակ նա է օգնել հայ ժողովրդին չկործանվել»,- պարզաբանել է Կլիմովը։
Նրա խոսքով, Փաշինյանը կենտրոնանում է բացառապես Հայաստանի սահմաններից հեռու պետությունում ապրող թշնամիների շահերի վրա։ Սենատորը կարծում է, որ կարիք չկա Ռուսաստանում ինչ-որ մեկին վերապատրաստել իշխանության զավթմանը նախապատրաստվելու համար։
«Ամեն ինչը թող որոշի հայ ժողովուրդը։ Դա անելու համար ոչ ոք Ռուսաստանում վերապատրաստվելու կարիք չունի։ Եթե մարդիկ գիտակցում են, թե իրականում ինչ է կատարվում, ապա պետք է Հայաստանի կառավարության ուշադրությունը հրավիրեն նրա վրա, որ նրանք կարող են մեծ փորձանքի մեջ գցել հայկական քաղաքակրթությանը»,- եզրափակել է Կլիմովը։
Ավելի վաղ Հայաստանի Ազգային անվտանգության ծառայությունն իբր կանխել էր հեղաշրջման միջոցով իշխանությունը յուրացնելու փորձը։ Հանրապետության քննչական կոմիտեից հայտնել են, որ դա նախապատրաստել են մի քանի քաղաքացի, յոթ անձի նկատմամբ քրեական գործ է հարուցվել, նրանցից երեքը ձերբակալվել են, չորսը հետախուզման մեջ են։
Նյութը հրապարակման պատրաստեց Կամո Խաչիկյանը
