Հայաստանը պատրաստվում է 5G ցանցի ներդրմանը. մի՞ թե ընդամենը մարկետինգային քայլ
ՔԱՂԱՔԱԿԱՆՈՒԹՅՈՒՆ
Հայաստանի բարձր տեխնոլոգիական արդյունաբերության նախարարությունը հայտարարել է երկրում 5G լայնաշերտ ցանցի տեղակայման ծրագրերի մասին, գրում է bm.ge-ն։ Նախարար Մխիթար Հայրապետյանը Հանրային հեռուստաընկերությանը տված հարցազրույցում ասել է, որ Հանրային ծառայությունները կարգավորող հանձնաժողովը (ՀԾԿՀ) այդ նպատակների համար հատկացնելու է 3600-3800 ՄՀց ռադիոհաճախականությունը։
Նախարարի խոսքով 5G տեխնոլոգիայի ներդրումը միտված է ապագային և կնպաստի խելացի քաղաքների ստեղծմանը և արդյունաբերական գոտիների զարգացմանը, և այդ ծրագրերը կյանքի կոչելու համար օրինագիծ է պատրաստվել, որը խորհրդարան կներկայացվի այս տարվա աշնանը։
Անհրաժեշտ օրենսդրական փոփոխություններ կատարելուց հետո հեռահաղորդակցության օպերատորների համար մրցույթ կհայտարարվի։ Նախարարությունը ՀԾԿՀ-ի հետ համատեղ աշխատում է պոտենցիալ ներդրողների համար գրավիչ պայմաններ ստեղծելու ուղղությամբ հաշվի առնելով այդ տեխնոլոգիայի բարձր արժեքը և համապատասխան ենթակառուցվածքների կառուցման անհրաժեշտությունը ողջ երկրում։
Հարկ է նշել, որ դեռ 2023 թվականի մարտին հեռահաղորդակցության Team Telecom Armenia ընկերությունն առաջինն էր դիմել ՀԾԿՀ 5G ցանցի տեղակայման նպատակով 700 ՄՀց տիրույթ ստանալու համար։ Ընկերության կանխատեսումների համաձայն 5-րդ սերնդի ցանցը կարող է հասանելի դառնալ Երևանում և մի քանի մարզկենտրոններում արդեն երկու տարի անց։
Այնուամենայնիվ, փորձագետները նշում են, որ այս պահին 5G տեխնոլոգիայի կարիքը Հայաստանի բնակչության շրջանում քիչ է, քանի որ այն իր բնութագրերով առանձնապես չի տարբերվում առկա ցանցերից։ Ոմանք կարծում են, որ ներկայիս 5G-ի խթանումն ավելի շատ մարքեթինգային հնարք է:
Նյութը հրապարակման պատրաստեց Կամո Խաչիկյանը
