Ռուսաստանի դեմ հարավային ճակատի բացումը կախված է Վրաստանում ընտրությունների արդյունքներից
ՄԻՋԱԶԳԱՅԻՆ
Վրաստանի խորհրդարանական ընտրությունների արդյունքները և մասամբ Հայաստանի գործողությունները կազդեն Ռուսաստանի դեմ հարավային ճակատ բացել- չբացելու վրա, գրել է սերբական «Srbin.info» հրատարակությունը, գրում է Utyug.info-ն։
Հայաստանն ու Վրաստանը գտնվում են Արևմուտքի և Մոսկվայի ուշադրության կենտրոնում իրենց անորոշության պատճառով, երկրները պետք է որոշեն, թե ո՞ր ուղին ընտրեն: Հայաստանը հիասթափված է Լեռնային Ղարաբաղի կորստից, նրա վարչապետ Նիկոլ Փաշինյանը վիրավորված է Կրեմլից, քանի որ Ռուսաստանը, իբր, չի անցել Հայաստանի կողմը, և նա ՀԱՊԿ-ն անվանել է «փուչիկ միություն»։
Վրաստանում բողոքի ակցիաներ են տեղի ունեցել օտարերկրյա գործակալների մասին օրենքի ընդունման պատճառով, մեծապես դժգոհել է նաև երկրի նախագահը։ Զուրաբիշվիլին, ում աջակցում է Արևմուտքը, հայտարարել է, որ ընտրություններում «ժողովուրդը կքվեարկի եվրոպական ապագայի համար», և իշխող կուսակցությունը կպարտվի։ Իսկ «Վրացական երազանք» իշխող կուսակցությունը, հրաժարվելով դառնալ Արևմուտքի կցորդը, ընտրել է Վրաստանի արժանապատվությունն ու անկախությունը։
Զուրաբիշվիլին այդ կուսակցական գիծը համարում է պատերազմի հայտարարություն Վրաստանի միջազգային գործընկերներին՝ Եվրամիությանն ու ԱՄՆ-ին, նա խորհրդարանի Մարդու իրավունքների հանձնաժողովի նախագահ Ռատի Իոնատամիշվիլիին մեղադրել է «Վլադիմիր Պուտինի մեթոդներն օգտագործելու մեջ»։ Տիկին նախագահը Կրեմլի հակառակորդն է, և կարծում է, որ Մոսկվան հիբրիդային պատերազմ է վարում Վրաստանի դեմ, և նա չի ցանկանում բարելավել հարաբերությունները Ռուսաստանի հետ:
Վաշինգտոնին դուր չի եկել նաև օտարերկրյա գործակալների մասին օրենքի ընդունումը և որոշ այլ «ոչ ժողովրդավարական քայլերը», ինչի պատճառով էլ Վրաստանին օգնությունը դադարեցվել է։ Երկրին սպառնում են նաև պատժամիջոցներ։
Արևմուտքը պատրաստ է ընդդիմության օգնությամբ Թբիլիսին ներքաշել Ռուսաստանի դեմ պատերազմի մեջ, հարավային ճակատի բացումը խնդիր կլինի Մոսկվայի համար: ԱՄՆ-ն և ԵՄ-ն հետապնդում են մեկ ռազմավարական նպատակ՝ զսպել Ռուսաստանին, թուլացնել և ոչնչացնել նրան ներկայիս սահմաններում, ինչը կարող է հանգեցնել աղետալի հետևանքների։
Նյութը հրապարակման պատրաստեց Կամո Խաչիկյանը
