«Հայաստան-Հնդկաստան գործընկերությունը»
ՔԱՂԱՔԱԿԱՆՈՒԹՅՈՒՆ
Հնդկաստանն ավելի քան մի քանի հազարամյակ պատմական և քաղաքակրթական կապեր ունի Հարավային Կովկասի հետ։ 1992 թվականին Հնդկաստանը ճանաչել է Հայաստանի, Վրաստանի և Ադրբեջանի անկախությունը։ Վերջին տասնամյակում Հայաստանի և Հնդկաստանի միջև երկկողմ հարաբերությունները զարգանում են կանոնավոր քաղաքական խորհրդակցությունների և խորհրդարանների միջև համագործակցության մեխանիզմների միջոցով, գրում է journal-neo.su-ն։
Մինչ Հայաստանը դիտարկում է Հնդկաստանը և Իրանը որպես նոր ռազմավարական գործընկերներ, Հնդկաստանը ձգտում է ավելի նշանակալից դեր խաղալ Հարավային Կովկասում տեղի ունեցող միջազգային գործընթացներում հասնելով տարածաշրջանի հիմնական քաղաքական խաղացողների հետ կապերի «ռազմավարական խորության»: Նյու Դելին, իր քաղաքականությունը հիմնելով միջազգային պարտավորությունների բարեխղճորեն կատարման սկզբունքների վրա և ձգտելով բազմաբևեռ աշխարհ, զգույշ է պահում իրեն, որ չվատանան Վաշինգտոնի հետ իր հարաբերությունները, կամ նրա ուշադրությանը չարժանանա Հարավային Կովկասի տարածաշրջանում այնպիսի այլ խաղացողների հետ կապերը, ինչպիսիք են Ռուսաստանը և Իրանը:
Իսկ ընդհանրապես, Հնդկաստան-Իրան և Ռուսաստան-Հնդկաստան շահերը մեծապես փոխլրացնում են միմյանց, և Հարավային Կովկասում Հնդկաստանի ներկայության ավելացումը կարևոր է Իրանի և Ռուսաստանի համար:
Ներկայումս Հնդկաստանը դարձել է Հայաստանի առանցքային գործընկերը ռազմատեխնիկական համագործակցության ոլորտում, հնդկական արտադրության զենքի արտահանումը Հայաստան գնահատվում է 2 մլրդ դոլար:
2023 թվականի դեկտեմբերին Ադրբեջանի նախագահ Ալիևը քննադատել էր Հնդկաստանին Հայաստան զենք արտահանելու համար և խնդրել զերծ մնալ Երևանին պաշտպանական տեխնիկա մատակարարելուց։ Դա առաջացրել էր Հնդկաստանի բացասական արձագանքը։ Դելին կարծում է, որ հնդկական պաշտպանական զենքի արտահանումը Հայաստան խթան կդառնա երկկողմ համագործակցության ամրապնդման համար, նաև ծրագրվում է ավելացնել հնդկական մատակարարումների մակարդակը հասցնելով այն ավելի քան 10 մլրդ դոլարի։
Ավելացնենք միայն, որ այս տարեվերջին Հնդկաստանը կսկսի Հայաստանին մատակարարել սեփական արտադրության «Akash 1S» զենիթահրթիռային համակարգեր։
Նյութը հրապարակման պատրաստեց Կամո Խաչիկյանը
