ՌԴ ԱԳՆ-ում գնահատել են Արևմուտքի ազդեցությունը հայկական լրատվամիջոցների վրա
ՔԱՂԱՔԱԿԱՆՈՒԹՅՈՒՆ
Արևմուտքի ազդեցությունը Հայաստանի լրատվական ռեսուրսների վրա, ինչպես ցանկացած այլ երկրի, չի կարող լավ բանի հանգեցնել, ասել է ՌԴ ԱԳՆ տեղեկատվության և մամուլի վարչության փոխտնօրեն Անդրեյ Նաստասինը պատասխանելով news.ru-ի հարցին։ Նրա խոսքով ամերիկացիներն ու եվրոպացիները նպատակ են հետապնդում ամենուր հասարակական կարծիքը շրջել Ռուսաստանի դեմ։
- Արդեն պարզ է, որ Հայաստանի լրատվական ռեսուրսների վրա, ինչպես ցանկացած այլ երկրի, Արևմուտքի աճող ազդեցությունը ոչ մի լավ բանի չի կարող հանգեցնել։ Ամերիկացիներն ու ԵՄ-ն (Եվրամիության երկրների իշխանությունները) գործում են պատեհապաշտորեն նպատակ ունենալով ամենուր հասարակական կարծիքը շրջել Ռուսաստանի դեմ։ Նրանք նաև ցանկանում են նսեմացնել ռուս-հայկական դարավոր բարեկամության կարևորությունը և այն օգնությունը, որը Մոսկվան տրամադրել և տրամադրում է եղբայրական Հայաստանին բոլորովին այլ ոլորտներու»,- ասել է Նաստասինը։
Նա նաև նշել է, որ Ռուսաստանն ու Երևանն ունեն զանգվածային հաղորդակցության ոլորտում փոխգործակցության լավ ձևավորված մեխանիզմներ, մասնավորապես գործում է մասնագիտացված միջկառավարական համաձայնագիրը, պահպանվում է ակտիվ միջգերատեսչական երկխոսությունը, շարունակվում են շփումները լրագրողների միջև։
- Անցյալ տարի արտաքին քաղաքական գործունեությանը տեղեկատվական աջակցության և ԶԼՄ-ների հետ աշխատանքի հարցերով արտաքին գործերի նախարարությունում անցկացվել են միջգերատեսչական խորհրդակցություններ, իսկ Երևանում կայացել է ռուս-հայկական մեդիա ֆորում։ Մենք ակնկալում ենք, որ ապագայում մենք կշարունակենք մեր գործընկերների հետ լուծել ի հայտ եկած խնդիրները զուտ պրոֆեսիոնալ կերպով,- պարզաբանել է Նաստասինը:
Ավելի վաղ հաղորդվել էր, որ Հանրային ռադիոի նոր տնօրեն է դարձել «Ազատություն» ռադիոկայանի նախկին աշխատակից, ԱՄՆ քաղաքացին, ով վերջին 28 տարիներին բնակվել է Պրահայում։ Նրա նախորդը Գարեգին Խումարյանն ազատվել էր աշխատանքից իշխանությունների քննադատության պատճառով։
Նյութը հրապարակման պատրաստեց Կամո Խաչիկյանը
