Ադրբեջանցի ժող.արտիստը կացնով հարձակվել է մարդկանց վրա
ՄԻՋԱԶԳԱՅԻՆ![Ադրբեջանցի ժող.արտիստը կացնով հարձակվել է մարդկանց վրա](/timthumb.php?src=disc/24-07-24/fb33568806a8429c8341d25544cf6a6b.jpg&w=780)
Համացանցում նոր կադրեր են հայտնվել հիվանդանոցում տեղի ունեցած միջադեպից, որտեղ Ադրբեջանի ժողովրդական արտիստ Աղդաշ Աղաևը կացին է նետել անվտանգության աշխատակցի վրա և հարվածել հավաքարարուհուն։
Այս մասին հայտնում են ադրբեջանական ԶԼՄ-ները՝ երկրի ՆԳՆ-ին հղումով:
Նշվում է, որ հուլիսի 22-ին քաղաքացի Ջալիլովը դիմել է ոստիկանություն և հայտնել, որ նույն օրը, ժամը 7-ի սահմաններում, Ագադաշ Աղաևը անպարկեշտ արտահայտություններ է արել և վիրավորել իրեն, ինչպես նաև սպառնացել է:
Նրա խոսքով, ժող.արտիստն իր վրա կացին է նետել, որը դիպչել է կլինիկայի հավաքարար Ն.Փաշաևայի ոտքին և վիրավորել նրան։
Փաստի առթիվ քրեական գործ է հարուցվել խուլիգանության հոդվածով։