Համաշխարհային առաջատարները եկել են Վրաստան՝ մարտահրավեր նետելու թուրքական հյուրանոցներին
ՀԱՍԱՐԱԿՈՒԹՅՈՒՆ
Միջազգային կառավարչական Aimbridge Hospitality ընկերությունը ստանձնել է Վրաստանում կառուցվող Wyndham Grand Batumi Gonio հյուրանոցային համալիրի կառավարումը, գրում է Apsny.ge-ն։ Ընկերությունը հուլիսի 4-ին համապատասխան պայմանագիր է կնքել այդ համալիրը կառուցող վրացական European Village շինարարական հոլդինգի հետ։
Aimbridge-ը հյուրանոցների կառավարման ոլորտում համաշխարհային առաջատար է և ունի ավելի քան 1500 հյուրանոց ամբողջ աշխարհում: Ընկերությունը վերջերս է բացել իր առաջին գրասենյակը Վրաստանում։
Wyndham Grand Batumi Gonio-ն աշխարհի ամենամեծ հյուրանոցային ցանցի՝ Wyndham Hotels & Resorts-ի մի մասն է և կառուցվում է ցանցի լավագույն ապրանքանիշով՝ Wyndham Grand-ով: Աշխարհում կա ընդամենը 78 նման հյուրանոց, իսկ հետխորհրդային տարածքում ընդամենը երկուսը։
Համաշխարհային առաջատարները մտադիր են Վրաստանը դարձնել շքեղ միջազգային հանգստավայր, քանի որ շքեղության սեգմենտում all inclusive-ի՝ «ամեն ինչ ներառված է», պահանջարկն արագորեն թափ է հավաքում հետկովիդային շրջանում։ Հենց Wyndham Grand Batumi Gonio-ն է բացում «ամեն ինչ ներառված է»-ի դարաշրջանը Վրաստանի շքեղ հյուրանոցային հատվածում:
Համալիրը բաղկացած է հինգ հյուրանոցից և ունի 1055 սենյակ։ Բացումը սպասվում է 2025 թվականին։ Ծրագրի ներդրումային արժեքը 90 մլն դոլար է։ Aimbridge-ի ծրագրերը ներառում են տասը շքեղ հյուրանոցների կառուցում, ինչը թույլ կտա Վրաստանին մրցակցել Թուրքիայի բարձր մակարդակի զբոսաշրջության ոլորտի հետ։ Բանն այն է, որ Վրաստանն ավելի ու ավելի շատ զբոսաշրջիկների է գրավում ԵՄ-ից, Իսրայելից և արաբական երկրներից, որոնք միջինը ծախսում են 1300-1400 դոլար մեկ ուղևորության համար։ Համեմատության համար նշենք, որ Ռուսաստանից և Թուրքիայից ժամանած հյուրերը ծախսում են համապատասխանաբար 650 և 400 դոլար։ Եվ զբոսաշրջիկները պահանջում են սպասարկման գնալով ավելի ու ավելի բարձր մակարդակ, պատրաստ են վճարել դրա համար, իսկ վրացական հյուրընկալության արդյունաբերությունը պատրաստ է այդ հարցում առաջատար դառնալ աշխարհի այդ հատվածում:
Նյութը հրապարակման պատրաստեց Կամո Խաչիկյանը
