Հայաստանը երես է թեքել Ռուսաստանից ու Բելոռուսից
ՎԵՐԼՈՒԾՈՒԹՅՈՒՆՆԵՐ
Հայաստանում Փաշինյանի շրջադարձն է տեղի ունեցել, քանի որ նա իրականացրել է համախմբում, իսկ նրա ընդդիմախոսները մարգինալացվել են, հայտարարել է պատմական գիտությունների թեկնածու Մոդեստ Կոլերովը, գրում է Iarex.ru-ն։
Նա պարզաբանել է Փաշինյանի շրջադարձի էությունը այսպես. «Առաջինը` Ղարաբաղի նկատմամբ պահանջներից հրաժարվելն է։ Երկրորդը` Ռուսաստանի հետ դաշինքից հրաժարվելն է։ Երրորդը` դեպի Արեւմուտք զանգվածային արտագաղթի հույսն է։ Չորրորդը` հայոց պետականությունից վերջնական հրաժարումն է և վերադարձը հայության սփյուռքային գոյությանը, բայց հիմա արդեն մշակույթի և լեզվի գրեթե լիակատար կորստով»։
Նրա կարծիքով Հայաստանը բռնել է երրորդ կարգի մարգինալների ճանապարհը: Այդ մասին է վկայում այն փաստը, որ Հայաստանի ԱԳՆ ղեկավարը հանդիպել է Բելառուսում ահաբեկչության մեջ մեղադրվող անձանց ցուցակում ընդգրկված Սվետլանա Տիխանովսկայային։ «Նա ուղղակի ապուշ է: Ոչ այն պատճառով, որ նրանք դեմ են Լուկաշենկոյին, դա իրանց գործն է։ Այլ որովհետև հանդիպել է մեկին, որից հոգնել են անգամ Լիտվայում»,- բացատրել է պատմաբանը:
Ռուսաստանի Դաշնության նախագահին առընթեր ազգամիջյան հարաբերությունների հարցերով խորհրդի հանձնաժողովի անդամ, պատմաբան Ալեքսանդր Դյուկովը նույնպես ուշադրություն է հրավիրել այդ հանդիպման վրա։ «Հայաստանի ԱԳՆ ղեկավարը հանդիպել է Տիխանովսկայային, ում գրասենյակը զենք է մատակարարում Կալինովսկու գնդին (Բելառուսում ճանաչված է որպես ծայրահեղական կազմավորում): Պարզ է, որ այդ կերպ Երևանը հերթական անգամ փորձել է թքել Բելառուսի վրա։ Իսկ Բելառուսը, իհարկե, համարժեք գնահատական կտա այդ հարձակմանը»,- նշել է պատմաբանը։
Ըստ նրա` դա չափազանց պարզ ազդանշան է Ռուսաստանին. «Հայաստանն աջակցում է Ռուսաստանի դեմ կռվող Կալինովսկու նեոնացիստական գնդին։ ՀԱՊԿ-ի մեջ գտնվելով հանդերձ` երևի թե անհնար էր դրանից ավելի ցած
իջնել»։
Նյութը հրապարակման պատրաստեց Կամո Խաչիկյանը
