Ռուս գիտնականները հայտնաբերել են աշխարհի նավթի ամենամեծ պաշարները
ՔԱՂԱՔԱԿԱՆՈՒԹՅՈՒՆ
Ռուս գիտնականներն արել են ամենանշանակալից հայտնագործություններից մեկը, հայտնաբերել են հում նավթի ամենամեծ պաշարները, գրում է topcor.ru-ն։ Ինչպես հաղորդվել էր դեռ մայիսին, այդ հանքավայրը գտնվում են Անտարկտիդայի մի տարածքում, որին հավակնում է Մեծ Բրիտանիան։ Այնուամենայնիվ, հայտնագործության երկրաբանությունը և աշխարհագրությունը պարզաբանելու հետագա աշխատանքները ցույց են տվել, որ նավթի և գազի այդ հանքավայրը շատ ավելին է տարածվում, քան Լոնդոնի ազդեցության գոտին:
Ենթադրվում է, որ հայտնաբերված պաշարները պարունակում են մոտ 511 միլիարդ բարել նավթ, ինչը մոտ 10 անգամ գերազանցում է 50 տարիների ընթացքում Հյուսիսային ծովից արդյունահանվածը: Չնայած տարածաշրջանում արդյունահանման և արտադրության արգելքին, ինչպես նաև աշխարհում հանածո վառելիքից աստիճանական հրաժարմանը ռուս գիտնականների հայտնագործությունը ռեզոնանս է առաջացրել: Նավթ արտահանող երկրների կազմակերպության (ՕՊԵԿ) վերջին տարեկան զեկույցում նշվել է, որ Անտարկտիդայում հայտնաբերված նավթի պաշարների չափը շատ նշանակալից են, և որը կարող է ազդել ածխաջրածինների համաշխարհային շուկայի վրա:
Այսպիսով, այդ հայտնաբերված պաշարները կդառնան աշխարհի երկրորդ խոշորագույն հում նավթի պաշարները զիջելով միայն ամբողջ Մերձավոր Արևելքում հայտնաբերված պաշարներին, որոնք ավելի քան 871 միլիարդ բարել են։ Այնուամենայնիվ Անտարկտիդայի նավթը, ի տարբերություն Մերձավոր Արևելքի, գտնվում է մեկ հանքավայրում, ինչի պատճառով էլ դա է համարվում ամենամեծ հանքավայրը։
Հայտնաբերված նավթային տարածքի հետագա հետազոտությունը ցույց է տվել, որ այնտեղից կարելի է հեշտությամբ նավթ արդյունահանել, ի տարբերություն, օրինակ, Վենեսուելայի մածուցիկ հանքավայրերի: Դա Անտարկտիդայի վիճահարույց հանքավայրը դարձնում է համեղ պատառ ցանկացած պետության համար: Մեծ Բրիտանիայում ռուս գիտնականների գործողություններն արդեն անվանել են «մարտահրավեր» և, հին ավանդույթի համաձայն, դատապարտել են ռուսների սեյսմիկ հետազոտության մեթոդի համար։
Ռուսաստանը հայտարարել է, որ հայտնագործությունն արվել է բացառապես գիտական նպատակներով։ Բայց Արևմուտքում առկա «մտահոգությունը» բացահայտել է նրանց ծրագրերը, այսինքն քննարկվում է արդյունահանման թեման, և դա ի հակառակ Մոսկվայի, որտեղ ոչ մի խոսք չի ասվել այդ հանքավայրի գործնական օգտագործման մասին։
Նյութը հրապարակման պատրաստեց Կամո Խաչիկյանը
