Ընտրելով Փաշինյանին` Հայաստանը հանձնեց Ղարաբաղը և պառկեց Ադրբեջանի տակ
ՎԵՐԼՈՒԾՈՒԹՅՈՒՆՆԵՐ
Հայաստանը, վարչապետ ընտրելով Նիկոլ Փաշինյանին, ինքը լքեց Լեռնային Ղարաբաղը և պառկեց Ադրբեջանի տակ, «Զվեզդա» ռադիոյի «Զրույց իմաստունի հետ» հաղորդման ժամանակ ասել է փիլիսոփա, քաղաքագետ Սերգեյ Կուրղինյանը, գրում է Rossaprimavera.ru-ն։
Քաղաքագետը նշել է, որ Հայաստանի հետ կապված իրավիճակը պետք է դիտարկել հիմնարար սկզբունքի պրիզմայով. «Չկան ինքնիշխան փոքր ինքնաբավ պետություններ»։ Նա հավելել է, որ այդ սկզբունքը բացարձակապես անվիճելի է և ավելի շատ Հայաստանին է վերաբերում, քան Վրաստանին։
«Հայերին կոտորել են թուրքերն ու պարսիկները։ Բոլոր այն խոսքերը, որոնք ասում են Արևմուտքում այն մասին, թե ինչպես են նրանք սիրում Հայաստանը, միշտ էլ եղել են լիակատար հիմարություններ: Հայաստանը, որպեսզի թուրքերի կողմից չկոտորվի ու ամբողջությամբ չմարի՝ անցավ ռուսների ձեռքի տակ»,- հիշեցրել է Կուրղինյանը։
Նա բացատրել է, որ այդ անցման արդյունքում ձևավորվեց Խորհրդային Հայաստանը, որը ԽՍՀՄ-ի ժամանակ ռուսներն ամեն կերպ բարձրացնում էին: Քաղաքագետն ընդգծել է, որ «անհավանական բարձունքների են բարձրացել այդ բոլոր Համբարձումյանները, Մերգելյանները, ակադեմիկոսները, գրականությանը, թատրոնը և մնացած ամեն ինչը»։
Այնուհետ, ինչպես նշել է Սերգեյ Կուրղինյանը, ԼՂ հիմնահարցն է սրվել Հայաստանում։ «Դա կործանարար էր Խորհրդային Միության, այսինքն կայսրության համար, այդտեղ ինչ-որ իդեալություն կար մեջը, կարելի էր այդ ամենը ինչ-որ կերպ հարգել։ Չնայած, կրկնում եմ, դա կործանարար էր»,- ասել է նա:
Բայց հետո, ընդգծել է Կուրղինյանը, հայերն արագ հանձնեցին այդ Ղարաբաղը։ Նա պարզաբանեց, որ հայերը մի կողմից չէին ուզում մորթվել, բայց մյուս կողմից էլ չէին ուզում կռվել Ղարաբաղի համար։ «Դա նշանակում է, որ ամբողջ Հայաստանն անմիջապես այնպես արձագանքեց, որ ուղղակի դառնա [Թուրքիայի] վիլայեթ և մորթվի: Ընտրեցին Փաշինյանին և դրանով իսկ խոստովանեցին, որ իրենք նույնիսկ ոչ թե Թուրքիայի, այլ նրա գլխավոր արբանյակի՝ Ադրբեջանի (լուրջ արբանյակ, գրեթե գործընկեր) տակ են պառկում»,- պարզաբանել է քաղաքագետը։
Նյութը հրապարակման պատրաստեց Կամո Խաչիկյանը
