Քաղաքագետը գնահատել է Հայաստանում Փաշինյանի դեմ բողոքի ակցիայի հեռանկարները
ՔԱՂԱՔԱԿԱՆՈՒԹՅՈՒՆ
Հայաստանի վարչապետ Նիկոլ Փաշինյանի քաղաքականության դեմ բողոքի ցույցերը նրա այն գործողությունների տրամաբանական հետևանքն են, որոնք չեն բավարարում բնակչության կարիքները, չնայած ցուցարարներին ցրելու ոստիկանության փորձերին երկրի ղեկավարությունը, ի վերջո, պետք է հրաժարական տա, vz.ru-ին ասել է քաղաքագետ Վլադիմիր Կորնիլովը։
«Հայաստանում պարբերաբար բողոքի ցույցեր են լինում երկրի վարչապետ Նիկոլ Փաշինյանի դեմ։ Ցույցերը հասարակության մեջ այն առճակատման շարունակությունն են, որը սկսել է հենց ինքը՝ կառավարության ղեկավարը։ Նա արհամարհել է բնակչության կարծիքը Ղարաբաղի վերաբերյալ։ Նա որոշել է խաղալ Արևմուտքի հետ և ինչ-որ առումով հեռանալ Ռուսաստանից: Դա դժգոհություն է առաջացրել հանրապետության բնակիչների մոտ»,- ասել է քաղաքագետը։
«Եթե բողոքի ակցիաները շարունակվեն, ապա պետք է ակնկալել ավելի կոշտ հակազդեցություն ցուցարարների նկատմամբ ոստիկանության կողմից։ Այնուամենայնիվ, ես կարծում եմ, որ այդ միջոցները դժվար թե կարողանան հաղթահարել ճգնաժամը: Վերջին հաշվով, իմ կարծիքով, Փաշինյանը պետք է հրաժարական տա: Դա թույլ կտա ՀՀ քաղաքացիներին ընտրել այնպիսի իշխանություն, որը կհետևի երկրի ազգային շահերին»,- եզրափակել է զրուցակիցը։
Նիկոլ Փաշինյանի իշխանությանը դեմ ցուցարարները փակում են փողոցներ։ Ոստիկանությունն իր հերթին տասնյակ քաղաքացիների է բերման ենթարկում։ Նախօրեին Հայաստանի վարչապետի պաշտոնի հավակնորդ, «Տավուշը հանուն հայրենիքի» ընդդիմադիր շարժման ղեկավար Բագրատ արքեպիսկոպոս Գալստանյանը Փաշինյանին հրավիրել էր ժողովրդի հետ հանդիպման։ Ցուցարարների առաջնորդը նշել էր, որ եթե վերջինս չներկայանա, «իրավական լեգիտիմության ավարտին զուգահեռ կկորցնի նաև բարոյական լեգիտիմությունը»։
Վարչապետի հետ հանդիպելու համար Բագրատ Գալստանյանը գնացել էր կառավարական ամառանոցներ։ Փաշինյանը, սակայն, տեղում չէր։ Հայաստանի կառավարության աշխատակազմի ղեկավար-նախարարի տեղակալ Տարոն Չախոյանի խոսքով վարչապետն այդ պահին գտնվում էր հեղեղումների գոտում։
Նյութը հրապարակման պատրաստեց Կամո Խաչիկյանը
