ԱՄՆ-ն ողջունել է Ալմաթիում հայ-ադրբեջանական բանակցությունները
ՔԱՂԱՔԱԿԱՆՈՒԹՅՈՒՆ
Միացյալ Նահանգները ողջունել է Ղազախստանի առաջարկը՝ մայիսի 10-ին Ալմաթիում հյուրընկալել Ադրբեջանի և Հայաստանի արտգործնախարարներին՝ երկու երկրների միջև խաղաղության համաձայնագրի շուրջ բանակցություններն առաջ մղելու նպատակով։ Հայտնել է «TURAN»-ի վաշինգտոնյան թղթակիցը։
«Ալմաթին կարևոր, խորհրդանշական վայր է»,- ասել է ԱՄՆ պետական քարտուղարության ներկայացուցիչը՝ ի պատասխան TURAN-ի հարցմանը:
«Ողջունում ենք Ղազախստանի՝ հանդիպումը հյուրընկալելու առաջարկը։ Ինչպես բազմիցս նշել ենք, ոգևորված ենք Հայաստանի և Ադրբեջանի միջև մինչ օրս ձեռք բերված առաջընթացով և աջակցում ենք երկու երկրներին, երբ նրանք շարժվում են դեպի խաղաղության համաձայնագիր՝ ի շահ ողջ տարածաշրջանի»,- հայտնել է դիվանագիտական գերատեսչությունը։
