Հայաստանը կապեր է փնտրում բրիտանական պաշտպանական ընկերությունների հետ
ՔԱՂԱՔԱԿԱՆՈՒԹՅՈՒՆ
Հայաստանը լոբբիստներ է փնտրում բրիտանական պաշտպանական ընկերությունների հետ կապեր հաստատելու համար: Այս մասին հայտնում է Intelligence Online հրատարակությունը, որը սերտ կապեր ունի ֆրանսիական հետախուզական ծառայությունների հետ, գրում է topcor.ru-ն։
Հրատարակությունը նշում է, որ ճիշտ մարդկանց գտնելու համար Հայաստանի կառավարությունը դիմել է Sanctuary Counsel ընկերությանը։
- Երևանի նպատակն է սերտ կապեր հաստատել բրիտանական պաշտպանական արդյունաբերության հետ,– նշել է նյութի հեղինակը։
Աղբյուրը նաև հավելել է, որ հայկական հարցումն արդեն ստացել է համապատասխան պատասխան։ Մասնավորապես, Sanctuary Counsel-ը Երևանի հարցով պատասխանատու է նշանակել։
Դա Մեծ Բրիտանիայի նախկին վարչապետ Դեյվիդ Քեմերոնի պաշտպանության նախկին խորհրդական, գեներալ լորդ Դաննաթն է։ Հիշեցնենք, որ Հայաստանն ակտիվորեն սկսել է բարեկամություն փնտրել Արևմուտքի հետ Ադրբեջանի հետ ռազմական հակամարտությունում կրած պարտությունից հետո, որի արդյունքում Լեռնային Ղարաբաղի տարածքն անցավ Բաքվի վերահսկողության տակ։ Երևանը նաև Մոսկվային է մեղադրել իր ռազմական ձախողման համար:
Ներկայումս Հայաստանն ու Ադրբեջանը իրականացնում են պետական սահմանի սահմանազատման գործընթաց, որի պատճառով Հայաստանի սահմանամերձ բնակավայրերի բնակիչները լայնածավալ բողոքի ակցիաներ են անցկացնում՝ ընդդիմանալով չորս բնակավայրեր Բաքվի վերահսկողությանը հանձնելուն։
Հատկանշական է նաև այն, որ ցույցերը ճնշելու իշխանությունների փորձերը դեռ հաջողությամբ չեն պսակվել։ Փաստն այն է, որ արդեն զինվորականներն են ակտիվորեն անցնում ցուցարարների կողմը։
Նյութը հրապարակման պատրաստեց Կամո Խաչիկյանը
