«Կեղծ օրակարգ է. Ալիևը որոշում է, Փաշինյանը` կնիքը դնում». Վիգեն Հակոբյան
ՔԱՂԱՔԱԿԱՆՈՒԹՅՈՒՆ
Առանց քարտեզի համաձայնեցման, դելիմիտացիա և դեմարկացիա սկսելու` Հայաստանի օրվա իշխանությունը հայտարարում է, թե այդ 4 գյուղերը մերը չեն: «Փաստինֆո»-ի հետ զրույցում արձանագրել է քաղտեխնոլոգ Վիգեն Հակոբյանը` նկատելով, որ իրականում դա Ադրբեջանն է որոշել, ինչը ՀՀ իշխանությունները ներկայացնում են որպես դելիմիտացիա և դեմարկացիա: «Ուրեմն` խաղաղության ձեր առաջարկած կոնցեպտը կեղծ օրակարագ է»,- ասաց Վ.Հակոբյանը` խոսքն ուղղելով իշխանություններին:
«Օրը մեջ Նիկոլ Փաշինյանն ինչ -որ նոր օրակարգեր է հնարում, մեկ` խաղաղության օրակարգ, մեկ ասում է սահմանադրություն եմ փոխելու, մեկ ասպարեզ նետում արտահերթ ընտրությունների թեման, 4 գյուղերի թեման։ Ամեն օր ինչ- որ օրակարգ են ստեղծում ու բոլոր ոլորտները , այդ թվում`մամուլը, արձագանքում է այդ օրակարգերին, որոնք առաջարկում է իշխանությունը», - նշեց քաղտեխնոլոգը։
«Կեղծ օրակարգ եմ համարում իշխանության առաջադրած խաղաղության կոնցեպտը, որի շուրջ, իբր, Հայաստանի իշխանությունները շարժվում են, որովհետև դա խաղաղության օրակարգ չէ: Պարզ է, որ դա կապիտուլացիայի հերթական փուլի իրագործման պլանն է։ Այսինքն՝ կեղծ օրակարգ է, որովհետև դու հայտարարում ես, որ դելիմիտացիան ու դեմարկացիան սկսում ենք Տավուշի մարզից, դա արդեն կեղծ օրակարգ է, որովհետև դու, ի սկզբանե, առանց դելիմիտացիայի և դեմարկացիայի, այսինքն` առանց քարտեզի վրա փոխհամաձայնության գալու, արդեն գետնի վրա վերջնականապես իմի բերելու, հայտարարել ես, որ քո սահմաններն այդքանն են, այդ մակետը , որ հանում է, ասում, որ 4 գյուղերն էլ մեջը չեն` ինչի՞ հիման վրա ես դու դա որոշել, ո՞ր քարտեզի հիման վրա», - նշեց փորձագետը` ամրագրելով, որ նախ պետք է կողմերը համաձայնության գան որևէ քարտեզի շուրջ, հետո գետնի վրա վերջնականապես ի մի բերեն։Առանց այդ քայլերի դու արդեն հայտարարել ես, որ այդ 4 գյուղերը քոնը չեն , բայց ի՞նչ պրոցեսի հիման վրա։ Եթե անգամ դելիմիտացիան սկսում են Տավուշի մարզից, ապա դու ո՞նց ես, ի սկզբանե, որոշել, որ այդ 4 գյուղերը Հայաստանին չեն պատկանում։ Մենք չունենք խաղաղության օրակարգ, ունենք կապիտուլացիայի օրակարգ։Իշխանական ծրագրերը որևէ աղերս չունեն դելիմիտացիայի և դեմարկացիայի հետ», - ասաց Վ. Հակոբյանը` նկատելով, որ եթե նույնիսկ տեսականորեն ընդունենք , որ այդ 4 գյուղերը մերը չեն, միևնույն է դա դելիմիտացիայի և դեմարկացիայի բավականին խորը պրոցեսի արդյունքում պետք է արձանագրել :
«Ալիևը պահանջում է, Փաշինյանը կնիքը դնում է»,- եզրափակեց Վիգեն Հակոբյանը։
