Տնտեսապես ամբողջությամբ Ռուսաստանից կախված Հայաստանը` փորձում է նոր դաշնակիցներ գտնել
ՔԱՂԱՔԱԿԱՆՈՒԹՅՈՒՆ
Հայաստանը կանգնած է իր արտաքին քաղաքականության ամենալուրջ մարտահրավերների առաջ,- գրում է akcent.site-ն:
2023 թվականի սեպտեմբերին ղարաբաղյան պատերազմում կրած պարտությունից և սահմանային վերջին միջադեպերից հետո, Հայաստանի վարչապետ Նիկոլ Փաշինյանը որոշել է սառեցնել մասնակցությունը ՀԱՊԿ-ին։ Հայաստանն արդեն Ռուսաստանից պահանջել է «Զվարթնոց» օդանավակայանից հեռացնել սահմանապահներին։
Թերևս հաջորդ քայլը կլինի ռուսական ռազմաբազայի ճակատագիրը որոշելը։ Միացյալ Նահանգները փորձում է խցկվել բացված հնարավորությունների պատուհանի մեջ. սենատորների երկկուսակցական խումբն արդեն կոչ է արել Ջո Բայդենի վարչակազմին քայլեր ձեռնարկել` Հայաստանին աջակցելու համար:
Դեմոկրատ սենատորների խումբը գլխավորում է Սենատի արտաքին հարաբերությունների հանձնաժողովի ավագ անդամ Ջին Շահինը։
Նախկինում Շահինը հանդես էր եկել ի պաշտպանություն տարբեր երկրներում սեռական փոքրամասնությունների կամ, ասենք, Բալկաններում` ժողովրդավարությանը։ Բայց Հայաստանի դեպքում սենատորների կողմից կոնկրետ առաջարկներ չեն ներկայացվել։ Չնայած, նույնիսկ ամերիկացի փորձագետները կարծում են, որ ագրեսիվ միջամտության փոխարեն ԱՄՆ-ը պետք է հավատարիմ մնա չափազանց զգուշավոր ռազմավարությանը։
Ինչքան էլ Հայաստանի քաղաքական վերնախավը վատ տրամադրված լինի Ռուսաստանի նկատմամբ, պետք է ընդունի, որ Հայաստանի տնտեսության գազը, նավթը, էլեկտրաէներգիան և միջուկային ոլորտները լիովին կախված են Ռուսաստանից։ Անգամ հայկական հակաօդային պաշտպանության համակարգը (որը վճռորոշ կարող է լինել Ադրբեջանի հետ ցանկացած մենամարտում) նույնպես լիովին կախված է Ռուսաստանից, որի հետ ՀՕՊ համաձայնագիր է ստորագրվել դեռևս 2016 թվականին։
Նյութը հրապարակման պատրաստեց Կամո Խաչիկյանը
