Իշխանությունների առաջարկած բանաձեւը հետեւյալն է՝ տանք որքան ուզում են՝ հույս ունենալով հասնել խաղաղության. Սաղաթելյան

Առանց չափազանցնելու մեր երկիրը կանգնած է շատ ծանր եւ նոր մարտահրավերի առջեւ: Այս մասին այսօր՝ արտի 9-ին, արմավիրում քաղաքացիների հետ հանդիպման ժամանակ ասել է ՀՀ ԱԺ պատգաավոր, ՀՅԴ ԳՄ անդամ Իշխան Սաղաթելյանը իր ելույթում:

«Այս իշխանությունները, ովքեր խաբելով եկան իշխանության ղեկին, իրենց վարած գործունեության արդյունքում Արցախի հայաթափումից հետո Հայաստանը կանգնեցրել են ծանր խնդիրների առջեւ: Երկու տիպի մարտահրավեր ունենք՝ արտաքին եւ ներքին: Արտաքին իմաստով թուրք-ադրբեջանական տանդեմը շարունակում է ագրեսիան Հայաստանի  նկատմամբ, արդեն բացահայտ միջամտում է Հայաստանի ներքին գործերին, ոչ միայն  չկա դիմադրություն, այլ հայստանի խամաճիկ իշխանությունները հետեւողականորեն, շատ հաճախ նաեւ սիրով կատարում են թշնամական պետության թելադրանքը մեր հայրենիքում: Թշնամին գտնվում է Հայաստաննի տարածում, բացահայտ հավակնություններ է ներկայացնում նոր տարածքների նկատմամբ եւ չկա որեւէ դիմադրություն: Իշխանությունների առաջարկած բանաձեւը հետեւյալն է՝ տանք որքան ուզում են՝ հույս ունենալով ինչ-որ մի պահի հասնել խաղաղության: Սա ձախողված ճանապարհ է եւ Արցախի հայաթափումից հետո առնվազն, ովքեր որ հույս ունեին, որ տանք, խաղաղություն կլինի, առնվազն հիմա պիտի հասկանան, որ սա կեղծ է, տանելու է նոր փորձության եւ ըստ էության մեր պետականությունը դնելու է հարցականի տակ»,- ասել է նա:

Ըս Սաղաթելյանի՝ մյուս խնդիրն այն է, որ այսօր Արեւմուտքը փորձում է Ռուսաստանի դեմ նոր ճակատ բացել՝ ի դեմս Հայաստանի.  «ՀՀ իշխանությունների վարած քաղաքականության արդյունքում այսօր մեր երկիրը դարձել է ուժային կենտրոնների ազդեցությունների բախման միջավայր, որը հղի է ծանր հետեւանքներով: Ակս պայմաններում ցավոք, շարունակվում է ենրքին պառակտումները, շարունակվում է պայքարը ազգային կառույցների, եկեղեցու եւ ընդհանրապես հայկական ինքնության նկատմամբ: Այս իրավիճակում մենք պետք է պայքարենք թե ներքին,թե արտաքին թշնամինների դեմ»:

Սաղաթելյանը նշում է, որ անցնող երեք տարիների ընթացքում արել են հնարավորը, սակայն չեն ստացել այն արդյունքները, որոնք ակնկալում էին: