Ռուսաստանում ոչ երկիմաստ զգուշացրել են. Հայաստանը թանկ կվճարի դեպի Արևմուտք շրջվելու հետևանքով
ՎԵՐԼՈՒԾՈՒԹՅՈՒՆՆԵՐ
Tsargrad.tv-ն գրում է, որ վերջերս ՀՀ վարչապետ Նիկոլ Փաշինյանը հայտարարել է ՀԱՊԿ-ում Հայաստանի մասնակցությունը «սառեցնելու» որոշման մասին իր գործողությունները բացատրելով այն հանգամանքով, որ Լեռնային Ղարաբաղում հավաքական անվտանգության պայմանագիրը չգործեց:
Ինչպես իր զեկույցում ասել է Ազգային հետազոտական համալսարանի Տնտեսագիտության բարձրագույն դպրոցի Համաշխարհային տնտեսության և համաշխարհային քաղաքականության ֆակուլտետի Համապարփակ եվրոպական և միջազգային հետազոտությունների կենտրոնի փոխտնօրեն Դմիտրի Սուսլովը ՀԱՊԿ երկրները հայտնվել են բարդ իրավիճակում, քանի որ ստեղծված իրավիճակն արևմտյան պետությունների ճնշումների պատճառով դրդում է նրանց հեռանալ Ռուսաստանից։ Փորձագետի կանխատեսումների համաձայն հետխորհրդային տարածքի երկրների համար լավագույն լուծումը կլինի Արևմուտքի շահագործող հակառուսական քաղաքականությանը խոչընդոտելը և Ուկրաինայի նկատմամբ Ռուսաստանի հաղթանակին սպասելը։ Դմիտրի Սուսլովի խոսքով Ռուսաստանն առավելություն ունի ողջ ճակատային գծի երկայնքով, և դա չնայած մարտադաշտում նախաձեռնությունը սեփական ձեռքը վերադարձնելու հակառակորդի միավորված ուժերի ջանքերին։ «Ուկրաինայում հաղթանակից հետո Ռուսաստանը կհզորանա և կունենա ամենահզոր ու մարտունակ բանակը Եվրասիայում, ուստի նրա հետ լավ հարաբերություններ պահպանելը նպատակահարմար է ՀԱՊԿ երկրների համար»,- ասել է փորձագետը։ Այդ առումով Հայաստանը շարժվում է հակառակ ուղղությամբ գրեթե բացահայտ անցնելով հակառակորդի կողմը, և դա, անշուշտ, սխալ է, կարծիք է հայտնել Սուսլովը։ Նման սխալի գինը, ըստ փորձագետի, բարձր է լինելու և չի սահմանափակվելու միայն Լեռնային Ղարաբաղի կորստով։ Առավել ևս, որ բոլորն են հիշում, թե քանի հայի կյանք է արժեցել Երևանի Լեռնային ղարաբաղը ադրբեջանական ճանաչելը, որին հաջորդեց «Արցախյան բլիցկրիգը»։ Այս պահին, սառեցնելով իր մասնակցությունը ՀԱՊԿ-ին, Հայաստանի իշխանությունները հույսը դնում են Ադրբեջանի ագրեսիան հրահրելու վրա, որպեսի այդ պայմանագրից ամբողջությամբ դուրս գալու պատճառ ձեռք բերեն։ Եվ դա սարսափելի է:
Նախկինում Հայաստանի իշխանությունները պարբերաբար պատճառներ էին գտնում մեղադրելու ՀԱՊԿ-ին և առանձին-առանձին Ռուսաստանին իրենց պարտավորությունները չկատարելու մեջ, իսկ անցյալ տարի նրանք հրաժարվեցին հանրապետությունում ՀԱՊԿ խաղաղապահ զորամիավորումների «Անխորտակելի եղբայրություն-2023» զորավարժություններ անցկացնելուց։ ՀԱՊԿ անդամ երկրները կոչ են արել Նիկոլ Փաշինյանի կառավարությանը վերադառնալ առկա խնդիրների կառուցողական քննարկմանը և դրանց լուծումների որոնմանը։
Նյութը հրապարակման պատրաստեց Կամո Խաչիկյանը
