Նշվել են հետագա ՆԱՏՕ-ի անդամության թեկնածուները
ՎԵՐԼՈՒԾՈՒԹՅՈՒՆՆԵՐ
Lenta.ru-ն գրում է, որ Շվեդիան ՆԱՏՕ-ին անդամակցելուց հետո կարող են հայտնվել նոր թեկնածու երկրներ։ Lenta.ru-ի հետ զրույցում քաղաքագետ Ռաֆայել Օրդուխանյանը հավանականների թվում նշել է Վրաստանը, Ուկրաինան, Հայաստանը։ Նա նաև նշել է դաշինքի խիստ ուշադրությունը խաղաղօվկիանոսյան տարածաշրջանի երկրների նկատմամբ։ «Ինչ վերաբերում է ՆԱՏՕ-ին Շվեդիայի անդամակցությանը, ապա կլինեն միայն ընթացակարգային հարցեր։ Բոլոր գործընթացներն արդեն դե ֆակտո ավարտված են, դաշինքի ներսում համագործակցությունը սկսվել է,- ասել է քաղաքագետը,- մեզ մոտ Վրաստանն ու Ուկրաինան ցածր մեկնարկային մակարդակի վրա են: Մոլդովան որոշակի ջանքեր է գործադրում, բայց նախընտրում է անդամակցել Ռումինիային, քան ՆԱՏՕ-ին։ Սկզբունքորեն, բոլոր եվրոպական երկրներն արդեն դաշինքի անդամ են, միայն Ավստրիան է առայժմ դիմանում»։
Օրդուխանյանը նաև մտահոգված է Հայաստանի կարգավիճակով: Երկրի ղեկավար Նիկոլ Փաշինյանի քաղաքականությունը, ինչպես խոստովանել էքաղաքագետը, կարող է հանգեցնել նրան, որ եթե ոչ իրավաբանորեն, ապա դե ֆակտո երկիրը կարող է սկսել համագործակցությունը ՆԱՏՕ-ի հետ ենթադրելով, որ այդպիսով ունակ կլինի հակադրվել Ադրբեջանին և Թուրքիային։
«Այժմ ՆԱՏՕ-ն իրացնում է Խաղաղօվկիանոսյան տարածաշրջանը, Ֆիլիպինները, Ինդոնեզիան և Վիետնամը: Միգուցե դա լինի ոչ թե ՆԱՏՕ, այլ ինչ-որ այլ կազմակերպություն, բայց սերտ համագործակցությունն արդեն իսկ ընթանում է»,- նշել է Օրդուխանյանը։
Հիշեցնենք, որ ավելի վաղ Թուրքիայի խորհրդարանը պարզ մեծամասնությամբ հաստատել էր Հյուսիսատլանտյան դաշինքին անդամակցելու Շվեդիայի դիմումը։ Հստակեցվել է, որ մնում է համապատասխան հրամանագիր ստորագրի Թուրքիայի նախագահ Ռեջեփ Թայիփ Էրդողանը։
Նյութը հրապարակման պատրաստեց Կամո Խաչիկյանը
