«Քննադատվել է Ադրբեջանում ընտրություններին ԵՄ դիտորդների բացակայությունը»
ՎԵՐԼՈՒԾՈՒԹՅՈՒՆՆԵՐ
Բուդապեշտում գրանցված անգլալեզու europeanconservative.com պահպանողական հրատարակությունը գրում է, որ վերջերս Եվրախորհրդարանի արտաքին հարաբերությունների հանձնաժողովի անդամներն ընդունեցին արտասովոր որոշում՝ դիտորդական առաքելություն չուղարկել Ադրբեջանում կայանալիք նախագահական ընտրություններին։ Շեղվելով իր սովորական մոտեցումից Եվրախորհրդարանը հայտարարել է, որ դիտորդներ չուղարկելով Ադրբեջան նաև չի մեկնաբանվի ընտրությունների արդյունքների օրինականությունը։ Երկրների ինքնիշխանության պաշտպանները կարող են ողջունել այդ որոշումը, բայց կան կասկածներ, որ Բրյուսելի նման որոշման հիմքում այլ շարժառիթներ են: Գազով հարուստ, հիմնականում մահմեդական բնակչությամբ Ադրբեջանը հայտնվել է ԶԼՄ-ների ուշադրության կենտրոնում վիճելի Լեռնային Ղարաբաղի տարածաշրջանի բռնակցումից հետո: Անցյալ տարի այդ երկիրը նաև մեղադրվել է 120.000 հայերի էթնիկական զտումների մեջ։
Հիշեցնենք, որ Լեռնային Ղարաբաղում ռազմական հաղթանակից հետո Ադրբեջանի նախագահ Իլհամ Ալիևը փետրվարի 7-ին նշանակել է արտահերթ նախագահական ընտրություններ։ Ըստ արևմտյան հասարակական կազմակերպությունների Ադրբեջանի կառավարությունն ունի ընտրակեղծիքների տխրահռչակ պատմություն: Բայց չնայած ընտրակեղծիքների, էթնիկ զտումների և ռուսական նավթի լվացման պնդումներին, Ադրբեջանը Բրյուսելում լոբբիստական ուժեղ ներկայություն ունի:
Հայաստանի մշակութային ժառանգության պաշտպանությանը նվիրված Lexmann մամուլի ասուլիսի ժամանակ Բելգիայում Հայաստանի դեսպան Բալայանը կասկածի տակ է դրել Ադրբեջանում կայանալիք ընտրությունների օրինականությունը։ The European Conservative-ի այն հարցին, թե ադրբեջանական ագրեսիվ լոբբին կարո՞ղ էր ազդած լինել դիտորդներ չուղարկելու ԵՄ որոշման վրա, Լեքսմանն ասել է, որ խորհրդարանը չի կարողացել առաքելություն ուղարկել Ադրբեջանի կառավարության կողմից պաշտոնական հրավեր չլինելու պատճառով։ Լեքսմանը հավելել է, որ էներգետիկ անվտանգությունը ԵՄ-ի համար առաջնային նշանակություն ունի, բայց Ադրբեջանի հետ էներգետիկ գործարքները կարող են գցել Բրյուսելի: Նա նաև քննադատել է Սլովակիային Ադրբեջանին զենքի մատակարարման վերջին գործարքների համար: Լրատվամիջոցներին դիմել են նաև հայ հոգևորականներ և մշակույթային գործիչներ հայտնելով, որ Ադրբեջանի կառավարությունը Լեռնային Ղարաբաղի ռազմական գրավումից ի վեր մեծացրել է հակահայկական պատմական ռևիզիոնիզմը, նույնիսկ Հայաստանն անվանում է «Արևմտյան Ադրբեջան»։
Ադրբեջանի նկատմամբ ցուցաբերվող հարաբերական անտարբերությունը հակադրվում է Սերբիայի նկատմամբ որդեգրած ավելի կոշտ դիրքորոշմանը, ԵՄ-ն և Եվրախորհրդարանի պատգամավորները դատապարտել են այդ երկրի անցյալ դեկտեմբերի խորհրդարանական ընտրություններում ենթադրյալ ընտրակեղծիքները: Արդյունքում ցուցաբերվող անհետևողականությունն ավելի անհանգստացնող է դարձնում ադրբեջանական ընտրական գործընթացը:
Նյութը հրապարակման պատրաստեց Կամո Խաչիկյանը
