Սիգի ձվադրման սեզոնին Սևանա լիճը 24-ժամյա հսկողության տակ է վերցվել
ՎԵՐԼՈՒԾՈՒԹՅՈՒՆՆԵՐ
Mir24.tv-ն գրում է, որ Հայաստանի Սևանա լիճը սկսել է հսկվել շուրջօրյա: МИР 24-ի թղթակից Լիլիթ Մադունցը պարզել է, թե դա ինչի հետ է կապված։
Ջրային պարեկային ծառայությունը պարեկում է ցանկացած եղանակի և կարգուկանոն պահպանում Սևանա լճում։
«Այստեղ մենք ունենք մեր եղանակային պայմանները, մեր նրբությունները, այս եղանակին մենք հիմնականում վերահսկում ենք ապօրինի ձկնորսությունը։ Քանի որ պարեկային ծառայությունը լճի համար նորություն է, մենք նախ զգուշացնում ենք բոլորին, ում տեսնում ենք ջրի վրա»,- ասել է Գեղարքունիքի մարզի ջրային պարեկային գումարտակի պարեկ Յուրի Խաչատրյանը։
Դեկտեմբերին և հունվարին ջրի վրա ոչ ոք չպետք է լինի: Այդ սեզոնին սիգի ձվադրումն ու ձկնորսությունը խստիվ արգելված է։ Բայց խախտողները բավականաչափ շատ են։ Այժմ պարեկային ծառայությունն իրավունք ունի նրանց նկատմամբ միջոցներ ձեռնարկել։ «Ատրճանակից ու ձեռնաշղթաներից բացի, մենք ավտոմատ հրազեն ունենք։ Յուրաքանչյուր բրիգադ կրում է այդ զենքը: Մենք դա օգտագործում ենք ծայրահեղ դեպքերում»,- պարզաբանել է Ռուբեն Խաչատրյանը։
Ջրային պարեկային զորամասում ծառայում է ավելի քան 40 մարդ։ Եկող տարի նրանց թիվը նախատեսվում է կրկնապատկել, և ավելացնել նաև նավակների թիվը, որոնք առայժմ միայն երկուսն են: «Այժմ մենք ունենք մեկ օպերատիվ կառավարման կենտրոն պարեկային ծառայության համար։ Շուտով պատրաստվում ենք ևս երեքը ստեղծել: Նրանցից յուրաքանչյուրը պետք է ունենա առնվազն մեկ նավակ»,- ասել է Գեղարքունիքի մարզի ջրային պարեկային ծառայության գումարտակի վաշտի հրամանատար Դավիթ Գալոյանը։
Նոր ստորաբաժանումը պարտավորություններ ունի նաև ցամաքում: Աշխատակիցներն ամենագնաց մեքենաներով պարեկում են Գեղարքունիքի գրեթե ողջ մարզով։ Երկու շաբաթվա ընթացքում ձերբակալվել է չորս իրավախախտ ապօրինի ձկնորսության, թմրանյութ պահելու և ապօրինի ծառահատման համար։
Նյութը հրապարակման պատրաստեց Կամո Խաչիկյանը
