«Արդյո՞ք դրանում կա իմաստ». Յարմոլինսկին Հայաստանի և Եվրամիության հարաբերությունների մասին
ՎԵՐԼՈՒԾՈՒԹՅՈՒՆՆԵՐ
Belta.by-ն գրում է, որ BELTA-ի YouTube ալիքի «Թեմայում» նախագծում վերլուծաբան, Բելառուսի ռազմավարական հետազոտությունների ինստիտուտի արտաքին քաղաքականության բաժնի ղեկավարի տեղակալ Յուրի Յարմոլինսկին մեկնաբանել է Մինսկում ՀԱՊԿ գագաթնաժողովում Հայաստանի ներկայացուցիչների բացակայությունը և նաև կարծիք հայտնել Հայաստանի ԵՄ-ի հետ փոխգործակցության հեռանկարների մասին։
Քննարկելով Մինսկում ՀԱՊԿ գագաթնաժողովում Հայաստանի ներկայացուցիչների բացակայությունը, ինչպես նաև Բելառուսի ղեկավարի այն նկատառումը, որ դժգոհությունները պետք է հնչեցնել անձամբ, այլ ոչ թե լրատվամիջոցներում լցոնումների միջոցով, Յուրի Յարմոլինսկին նշել է. «Իհարկե, նրա համար հեշտ է ցատկել Արևմուտքի կողմը, բայց կա՞ արդյոք դրա համար որևէ պատճառ և արդյո՞ք դա Հայաստանի ազգային շահն է, քանի որ այսօրվա թվերը (եթե վերցնենք գոնե Ռուսաստանի հետ Հայաստանի առևտուրը) բավականին տպավորիչ են, ընդ որում անգամ առաջին հնգյակում արևմտյան երկրներ չկան: Հայաստանի արտահանման տեմպերը դեպի Ռուսաստան գերազանցում են Հայաստանի արտաքին առևտրի միջին տեմպերին։ Իսկ Արևմուտքն այսօր այլևս հինը չէ։ Եթե նախկինում ԵՄ անդամության թեկնածուներին գայթակղիչ առաջարկներ, բոնուսներ էին առաջարկում, ապա այսօր դա անմիջապես նախապայմանների ու լրացուցիչ բեռի ամբողջություն է»։
«Ամեն դեպքում, Հայաստանի հետ հարաբերություններում կոմունիկացիոն ճգնաժամը պետք է լուծվի, քանի որ նա դեռ ՀԱՊԿ-ի պատասխանատվության ոլորտն է, և հաշվի առնելով այն հակամարտային ներուժը, որն այսօր կուտակվել է Հյուսիսային Կովկասում, հնարավոր է Երևանի անցումն Արևմուտքի հովանու տակ: Իսկ դա պոտենցիալ լրացուցիչ ապակայունացում կլինի ոչ միայն տարածաշրջանի երկրների, այլ նաև ՀԱՊԿ-ի, և մասնավորապես Ռուսաստանի համար: Բայց այսօր միտումը զարգանում է այլ ուղղությամբ, Լոնդոնում Հայաստանի և Մեծ Բրիտանիայի նախարարները ստորագրել են 2023-2024 թվականների համագործակցության ծրագիր»,- հավելել է վերլուծաբանը։
Նյութը հրապարակման պատրաստեց Կամո Խաչիկյանը
