Մեծ պատերազմի կանխազգում. Հայաստանը հավաքում է ծանր սպառազինություն ամբողջ աշխարհից
ՎԵՐԼՈՒԾՈՒԹՅՈՒՆՆԵՐ
Akcent.site–ը գրում է, որ Հարավային Կովկասում նոր մեծ պատերազմի սպառնալիքը գնալով ավելի իրական է դառնում: Ամերիկացի դիվանագետները կուլիսների հետևում լրջորեն խոսում են Զանգեզուրի (Նախիջևանի) միջանցքի շուրջ հայ-ադրբեջանական նոր հակամարտության հավանականության մասին։ Իսկ այդ ընթացքում Հայաստանը զենք է ստանում աշխարհի տարբեր երկրներից։ Օրինակ Ֆրանսիան Հայաստան է ուղարկել 24 Bastion զրահափոխադրիչներ։ Ակնկալվում է, որ շուտով կուղարկվեն ևս 26 նույն տիպի մեքենաներ, որոնք դեռ «արտադրության փուլում են», ո որի մասին հայտարարվել էՖրանսիայի Սենատի զեկույցում։ Վրաստանի Փոթի նավահանգստում արդեն նկատել են այդ զրահափոխադրիչները։
Հայաստանը Ֆրանսիայից գնել է նաև Ground Master (GM200) ռադարներ և «Միստրալ 3» հակաօդային պաշտպանության համակարգեր, որոնք կարող են հայտնաբերել թշնամու ինքնաթիռներն ու անօդաչու թռչող սարքերը 250 կմ հեռավորության վրա։ Իսկ ֆրանսիացի սենատորները պահանջում են, որ հնարավորինս շուտ Հայաստան ուղարկվեն «Caesar» հրետանային համակարգեր։ Ճիշտ է, այս առաջարկը կարող է... ուշացած լինել, քանի որ Հայաստանն արդեն Հնդկաստանից պատվիրել է 155 մմ տրամաչափի MArG 155 անիվավոր ինքնագնաց հաուբիցներ։
Հայաստանը խոստացել է տեղակայել Հնդկաստանի բանակի ուսումնական թիմ տեղի զինվորականներին պատրաստելու համար։ Սակայն ֆրանսիացիներն ավելի արագ են գործել քան հնդիկները: Ֆրանսիան պատրաստ է նաև օպերատիվ ուսումնական ստորաբաժանումներ (DTP) ուղարկել Հայաստան, որպեսի նրանց ցամաքում և լեռներում մարտական հմտություններ վարելու և դիպուկահար կրակոցներ պատրաստելու դասընթացներ անցկացնեն: Փոխադարձ կապերի ամրությունն այնքան մեծ է, որ անգամ պաշտպանության հարցերով կցորդ կլինի Հայաստանում Ֆրանսիայի դեսպանատանը։
Բայց Հայաստանի ու Ֆրանսիայի մերձեցումը զայրացնում է Իլհամ Ալիևին: Ադրբեջանը, որն ինքը զենք է գնում Թուրքիայից և Իսրայելից, Ֆրանսիային մեղադրում է «հակամարտություն հրահրելու ու սրացման» մեջ։
Նյութը հրապարակման պատրաստեց Կամո Խաչիկյանը
