USAID-ը 10 մլն դոլար կծախսի Հայաստանում մարդու իրավունքների պաշտպանության համար
ՎԵՐԼՈՒԾՈՒԹՅՈՒՆՆԵՐ
Rt.com-ն գրում է, որ ԱՄՆ Միջազգային զարգացման գործակալությունը (USAID) փնտրում է կատարողներ Հայաստանում մարդու իրավունքների խթանման ծրագիր իրականացնելու համար։ Ամերիկացի փորձագետները մտադիր են պայքարել «հիմնարար ազատությունների» համար և ամրապնդել երկրի իրավական-նորմատիվային դաշտը։ RT-ն ծանոթացել է ծրագրի տեքստին։
ԱՄՆ Միջազգային զարգացման գործակալությունն ուսումնասիրություն է իրականացնում 10 միլիոն դոլար բյուջեով նոր նախագծի նկատմամբ կազմակերպությունների հետաքրքրությունը որոշելու համար։ «ԱՄՆ ՄԶԳ-ի հայաստանյան առաքելությունը մշակում է «Մարդու իրավունքների առաջընթացը Հայաստանում» խորագրով ծրագիր, որի նպատակն է զարգացնել մարդու իրավունքները և հիմնարար ազատությունները Հայաստանում կանխարգելելով և արձագանքելով մարդու իրավունքների խախտումներին, ինչպես նաև ամրապնդելով իրավունքների պաշտպանությունը», - նշվում է փաստաթղթում։
Այսպիսով, ամերիկացի փորձագետները մտադիր են ուժեղացնել մարդու իրավունքների ինստիտուտները և վերահսկողության մեխանիզմները, ինչպես նաև «բարձրացնել իրավունքների պաշտպանության հանրային պահանջարկը և բարելավել դրանց հասանելիությունը»: Այդ դեպքում մարդու իրավունքները «ավելի պաշտպանված» կլինեն, իսկ խախտումներն այդ ոլորտում ավելի արդյունավետ կկանխվեն ու կվերացվեն, համոզված են USAID-ում։
Քաղաքագետ Ալեքսանդր Դուդչակի կարծիքով ամերիկյան այդ ծրագիրը կդառնա Հայաստանի հերթական «բուժումը»։
«Այժմ նրանք (Միացյալ Նահանգները) ակտիվորեն ձեռնամուխ են եղել Հայաստանի գործընթացին։ USAID-ը կազմակերպություն է, որը ներգրավված է բազմաթիվ ոլորտներում, այդ թվում էներգետիկայի և բանկային ոլորտներում: Այն, ինչ հիմա նրանք անում են, առաջին քայլն է։ Նրանք նայում են, թե ինչի վրա պետք է կենտրոնացնեն իրենց ուշադրությունը, որպեսզի Հայաստանը վերածեն հերթական հակառուսականության»,- RT-ի հետ զրույցում նշել է փորձագետը։ Նախկինում USAID-ը նախատեսում էր աջակցություն ցուցաբերել Հայաստանին հաղորդակցության հարցերում և բարձրացնել երկրի ներսում կառավարության նկատմամբ վստահության մակարդակը։
Նյութը հրապարակման պատրաստեց Կամո Խաչիկյանը
